Sunday, October 18, 2009

31- details

သုံးဆယ်တစ်ဘုံအကြောင်း အကျဉ်းမျှ ရေးသားပြီးဖြစ်သည်။ ယ္ခု အနည်းငယ် အသေးစိတ်၍ ဆက်လက် ရေးသားပါမည်။
အပါယ် (၄) ဘုံ
အပါယ် ဆိုသည်မှာ အပ+အယ ဟူသော ပါဠိမှ ဆင်းသက်လာသည်။
အပ = ကင်းသည်။  အယ =ကုသိုလ်ကောင်းမှု
ကုသိုလ်ကောင်းမှုကင်းသော နေရာ၊ ဘုံဌာနဟု ဆိုရမည်ဖြစ်သည်။

အပါယ် (၄) ဘုံတွင် ငရဲဘုံသည် အဆိုးဆုံးဖြစ်သည်။ ငရဲ ဆိုသည်မှာ နိရယ ပါဠိမှလာသည်။
နိရယ = ချမ်းသာသုခကင်းဝေးခြင်း
နိရယမှတဆင့် နိရယ် - နိရဲ - ငရဲ ဟု အဆင့်ဆင့်မြန်မာမှုပြုလာကြသည်။
ထို့ကြောင့် ငရဲဘုံသည် ချမ်းသာမှုလုံးဝကင်းဝေးသော ဘုံဌာနဖြစ်သည်။

ငရဲကြီး (၈) ထပ်
၁။ သဉ္ဖီဝငရဲ
တရားစောင့်သောလူ၊ ရဟန်းတို့ကိုပြစ်မှားက ကျခံကြရသည်။ သေလိုက် ရှင်လိုက်နှင့် အကြိမ်ကြိမ်ခံရသည်။
ငရဲသက်တမ်းတစ်ရက်မှာ လူ့နှစ်ဖြင့်တွက်ပါက အနှစ်ကိုးသန်း ဖြစ်သည်။
ထိုငရဲတွင် အလျံတပြောင်ပြောင် တောက်လောင်သော သံမြေပြင်ရှိသည်။ ငရဲသားတို့ အသင်္ချေအနန္တ ပြည့်နှက်ကျပ်တည်းစွာရှိသည်။ ငရဲထိန်းတို့သည် အလျံတပြောင်ပြောင် တောက်ပနေသော ထန်းပင်လုံး ပမာဏရှိသော ဓားလှံလက်နက်တို့ဖြင့် ငရဲသားတို့ကို ထိုးခုတ်ပစ်သတ်ကြသည်။ ဦးခေါင်းကိုအပိုင်းပိုင်း ဖြတ်ကြသည်။ လက်ခြေတို့ကို ဖြတ်တောက်ကြသည်။

သံမြေပြင်တွင် လူးလဲနေကြကုန်သော ငရဲသားတို့ကို ကြီးစွာသော သံတင်းပုတ်ကြီးဖြင့် အတင်းထုနှက်ကြသည်။ အသား၊ အရေ၊ အကြော၊ အရိုးတို့သည် ကြေမွကုန်ကြသည်။ သွေးသား အရည်တို့သည် မြေပြင်တွင်စီးကြသည်မှာ လှိုင်းထသည်အထိဖြစ်သည်။ ထိုခဏ၌ သံမြေပြင်မှ မီးလုံးကြီးတက်လာပြီး လောင်ကျွမ်းသည်မှာ အကြွင်းအကျန်မရှိအောင် အပူရှိန်ပြင်း၍ အားလုံးပြောင်သွား လေသည်။ ထို့နောက် ငရဲသားတို့သည် ငရဲကိုယ်ပြန်ဖြစ်ခါ တဖန်အထုအနက် အထိုးအခုတ် ခံရပြန်သည်။ သေသွားပြန်သည်။ တဖန်ပြန်ရှင်ကာ ခံရပြန်သည်။ ထိုသို့ဖြင့် ငရဲသက်တမ်းမကုန်မချင်း ခံကြရလေသည်။

၂။ ကာဠသုတ်ငရဲ
`ဤငရဲသို့ကျသော သူများအား ကိုယ်၌မည်းနက်သော မျဉ်းကြောင်းဆွဲပြီးလျှင် ၄မြှောင့်၊ ၆ မြှောင့်၊ ၈ မြှောင့် သစ်တုံးရွှေ သကဲ့သို့ အလှီးအခုတ် ခံကြရသော င၇ဲဖြစ်သည်။
သူတစ်ပါးအား ညှဉ်းဆဲနှိပ်စက်တတ်သော လူသတ်၊ ထောင်မှူး၊ အရာထမ်း၊ အမှုထမ်းများ၊ မိခင်ဖခင် ရဟန်းသူတော်စင်တို့အား ရိုတ်ပုတ်ညှဉ်းဆဲသောသူများ ကြခံကြရသည်။
ကာဠသုတ်ငရဲ၏ တစ်ရက်မှာ လူ့နှစ်ဖြင့်တွက်လျှင် 36,000​​,000 ဖြစ်သည်။

၃။ သင်္ဃတငရဲ
ထိုငရဲကျသောသူတို့၏ ခန္ဓာကိုယ်မှာ ၇မိုင် ၈မိုင်ပတ်လည်မျှရှိပြီး တ၀က်က ငရဲသံမြေတွင် မြှုပ်နေသည်။ ထိုအခြေအနေတွင် အလွန်ကြီးမားသော တောင်ကြီးများက ဒလိမ့်တုံးလှိမ့်သလို လိမ့်လာကာ ငရဲသားတို့အား ကြိတ်ခြေသွားသည်။ အားလုံးသေကြေသွားလျှင် သံမြေမှ ငရဲမီး တက်လာကာ အားလုံးကို ပြောင်တလင်းခါအောင် လောင်ကျွမ်းသွားပြန်သည်။ ထိုသို့ သေလိုက် ပြန်ရှင်လိုက်နှင့် ခံကြရသည်။
သူတစ်ပါးအသက်ကို သတ်ဖြတ်သော မကောင်းမှုဒုစရိုတ်ပြုလုပ်သူများ ခံကြရသည်။
သင်္ဃတငရဲ၏ တစ်ရက်မှာ လူ့နှစ်ဖြင့် 140,000,000 ဖြစ်သည်။

၎။ ရောရုဝငရဲ
ထိုငရဲတွင် အလွန်ဆိုးဝါးသော ပူလောင်သော၊ စပ်သော အခိုးအငွေ့တို့ဖြင့်ပြည့်နက်နေသည်။ အဆိပ်အခိုးအငွေ့ များဖြစ်သည်။ ကျခံရသူများသည် ထိုအငွေ့တို့ကို ရှုကြရပြီး လွန်စွာဆိုးဝါးစွာ ခံကြရ၍ အော်ဟစ်ကာ မရပ်မနားငိုကြွေးနေကြရသည်။
တောမီးရှို့သူ၊ ရေထဲတွင်မိုင်းခွဲသူ မုဆိုး တံငါများ ကျခံကြရသည်။
သက်တမ်းမှာ ထိုငရဲတစ်ရက်လျှင် လူ့နှစ်ဖြင့် 576,000,000 ဖြစ်သည်။

၅။ မဟာရောရုဝငရဲ
 ထိုငရဲတွင် အဆိပ်အခိုးငွေ့များအပြင် မီးလျှံ မီးညွှန့်ငွေ့များရှိပြီး အခိုးအငွေ့ငရဲမီးလျှံများက ခန္ဓာကိုယ်တွင် ထိုးဖောက်ကာ လောင်ကျွမ်းကြသည်ကို မချိမဆန့် ခံစားကြရသည်။
သီလ သမာဓိ ပညာနှင့်နေသော ရဟန်းသံဃာတော်များကို ပြစ်မှားသောသူများ ကျခံကြရသည်။
ထိုငရဲတစ်ရက်လျှင် လူ့နှစ်ဖြင့် 2,300,000,000 ဖြစ်သည်။

၆။ တာပနငရဲ
ထိုငရဲတွင် ငရဲသားတို့သည် သံမြေပြင်မှ ပေါက်သော သံတံကျင်တို့ဖြင့် ထိုးလျှိုထားခြင်းခံရသည်။ သံမြေပြင်ပေါက်မှ မီးလျှံများ ထွက်လာကာ အလွန်ပူလောင်ခြင်းကိုခံစားကြရသည်။ တံကျင်ထိုးထားသဖြင့် ပူလောင်သော်လည်း ထွက်ပြေး၍မရချေ။ ငရဲထိန်းတို့က သံပူပြားကြီးဖြင့်လာလာ ကပ်သည်ကိုလည်း ခံကြရသေးသည်။
ထိုငရဲတွင် လင်ယောက်ျားကို မရိုမသေ မလေးမစား ပြုသောမိန်းမများ၊ လင်ယောက်ျားအား နှိပ်စက်သော မိန်းမများ ကျရောက်ခံစားကြရသည်။
ထိုငရဲတစ်ရက်လျှင် လူ့နှစ်ဖြင့် 9,216,000,000 ဖြစ်သည်။

၇။ မဟာတာပနငရဲ
 တာပနငရဲထက် ပိုမိုဆိုးရွားစွာ ခံစားရသောငရဲဖြစ်သည်။
လောကုတ္တရာဓမ္မများ မှားယွင်းပျက်ပြယ်စေအောင်၊ မိစ္ဆာဒိဋ္ဌိ(အယူမှား)သို့ရောက်အောင် လမ်းညွှန်ပြသူများ ကျခံကြရသည်။ ဓမ္မကထိကများ သတိပြုဖွယ်ဖြစ်သည်။
သက်တမ်းမှာ အန္တရကပ်၏ တ၀က် ရှိပါသည်။


၈။ အ၀ီစိငရဲ

 အဆိုးဝါးဆုံး ငရဲဘုံဟု ခေါ်ဆိုရမည်ဖြစ်သည်။ အကျယ်ရေးလျှင်ကား ဂူဂယ်၏ ဟာ့ဒက်စ် ပင်မဆန့်ရာ။ :D
ထိုငရဲတွင် အမိသတ်သူ၊ အဖသတ်သူ၊ ရဟန္တာသတ်သူ၊ သံဃာသင်းကွဲအောင်လုပ်သူ၊ ဘုရားကို သွေးစိမ်း တည်အောင်လုပ်သူဟူသော ပဉ္စနန္တိယကံပြုလုပ်သူ တို့ ကျခံကြရသည်။
သက်တမ်းမှာ ၀ိဝဋ္ဋဌာယီကပ် တစ်ကပ်ကြာသည်။

2 Comments:

At October 19, 2009 at 7:08 AM , Blogger ဝက်ဝံလေး said...

ဟင့်အင်း အဲဒီ ငရဲက ငါနဲ့ မဆိုင်ဘူး ဒါကြောင့်မဖတ်ဘူးနော် အတ္တ ဘိုင် တာ့တာ

 
At October 20, 2009 at 2:11 AM , Anonymous ကျော်ကျော်အောင် said...

ဟုတ်လို့လားဝက်ရယ်
လူကြီးသူမတွေကိုစော်
ကားတော့ဆိုင်ဘဲဆိုင်နေ
သလားလို့ဟိဟိ..အလ
ကားစတာနော်..ငါနဲ့လဲမဆိုင်
ဘူး..အဲ့ဒါကြီးက ဟိဟိ

 

Post a Comment

Subscribe to Post Comments [Atom]

<< Home