Thursday, December 31, 2009

သူတို့စကား

 မြင်သောသူသည်-
မြင်သူကိုလည်းမြင်၏။
မမြင်သူကိုလည်းမြင်၏၊


မမြင်သောသူသည်-
မြင်သူကိုလည်းမမြင်၊
မမြင်သူကိုလည်းမမြင်၊
(ရှင်ဝပ္ပ)



သာသာနာ(၅၀၀၀)ဆိုတာ
သာသနာ(၅၀၀၀)ဆိုတဲ့ စကားတွေဟာ သာသနာမဟုတ်ဘူး။ ရှင်းကြရဲ့လား...၊
သာသနာဆိုတာ လိုက်နာသူအပေါ်သာ လုံးဝတည်နေတယ်။ လိုက်နာသူက မလိုက်နာရင် ဘုရားရှိနေလည်း မဆိုင်၊ မရှိလည်းပဲ မဆိုင်ဘူး။ ဒီဘုရားရှင် ဟောထားတဲ့ အဆုံးအမအတိုင်း လိုက်နာမှု၊ မလိုက်နာမှုအပေါ်မှာသာ တည်တယ်။ သာသနာတည်တယ်ဆိုတာ အဲဒါပဲ ရှင်းကြပလား ...။
(ကျေးဇူးတော်ရှင် အဂ္ဂမဟာပဏ္ဍိတမိုးကုတ်ဆရာတော်ဘုရားကြီး)

ရေလမ်း မီးလမ်း
ရေသွားတဲ့လမ်းဆိုတာက
အမှိုက်လည်းမရှိဘူး၊
သန့်ရှင်းတယ်။
ညီညီညာညာလည်းရှိတယ်။
မီးသွားတဲ့လမ်းကတော့
မီးသွေးတွေ ပြာတွေ ကျင်းချိုင့်တွေနဲ့၊
အဲဒါကြောင့်
ရေသွားတဲ့လမ်းလို ဖြစ်ပါစေ၊
မီးသွားတဲ့လမ်း မဖြစ်ပါစေနဲ့...။
(ကျေးဇူးတော်ရှင် စွန်းလွန်းဆရာတော်ဘုရားကြီး)

ဝိပါကပစ္စယော
''ကပ္ပိယ၊ ကိုယ်ပစ္စည်း သူများအခိုးခံရတယ်ဆိုတာ ကိုယ်ကလဲ သူများပစ္စည်းခိုးခဲ့ဖူးလို့ ဖြစ်မှာပေါ့ဟဲ့။
သံသရာမှာ ကိုယ်ပြုခဲ့တဲ့ မကောင်းမှုဟာ တစ်ချိန်ချိန်မှာ တူသောအကျိုး ပြန်ပေးတတ်တာ ဓမ္မတာပဲ။
အသာနေပါ ကပ္ပိယရယ်....။
မင်းလုပ်လိုက်မှ ငါသူခိုးဖြစ်ခဲ့ဖူးတာ လူသိကုန်ပါ့မယ်။
(အဂ္ဂမဟာပဏ္ဍိတလည်တီဆရာတော်ဘုရားကြီး)

စွန့်
ယုတ်မာဆိုးကောင်း
ကျင့်မကောင်းကို
မှားကြောင်းတစိ
သိလျင်သိခြင်း
စွန့်ပယ်လျဉ်းလော
အတင်းယူစွဲ
ဖားမြွေခဲ့သို့
အမြဲမှတ်သို
မစွန့်လိုက
ဤကိုယ်သုခ
နောင်မရဘူး။
(မာဃဒေ၀)မန်လည်ဆရာတော်

ပြောပါ
မအောင့်အီးနိုင်လို့
သူတစ်ပါးအကြောင်းကို ပြောချင်ရင်
ကောင်းတာလေးတွေကို ရွေးပြောပါ။
(ဘဒ္ဒန္တပညာဘောဂ၊ ဆဋ္ဌသင်္ဂီတိထေရ)

သာသနာပြုဆိုတာ
သာသနာပြုရင်တော့ သာသနာတိုးတက်မယ်။
ဝါသနာပြုရင်တော့ သာသနာပျက်စီးမယ်။
(ဘဒ္ဒန္တပညာသာမိ၊ မဟာမြတ်မုနိဘုရားကြီးကျောင်း၊ တာချီလိတ်မြို့)

ပဿနာ
သူ့ကို fight ရင်လည်း
ဒီပြဿနာဟာ မပြေလည်ဘူး။
Flight ထွက်ပြေးတိမ်းရှောင်နေမယ်ဆိုရင်လည်း
ပြဿနာဟာ မပြေလည်နိုင်ဘူး။
(ဆရာတော်ဦးဇောတိက၊ မဟာမြိုင်တောရ)

နောက်သို့
ရှေ့တိုးဖို့ကြီးပဲ မကြိုးစားနဲ့
တစ်ခါတစ်လေ
နောက်တစ်လှမ်းနှစ်လမ်း
ဆုတ်လိုက်ခြင်းဟာ
ကျယ်ပြန့်တဲ့
မိုးကောင်းကင်နဲ့
ပင်လယ်ပြာကို
တွေ့ရခြင်းပဲ။
(၀စီပိတ်ဆရာတော်၊ ကျိုင်းတုံ)

စစ်ကြည့်
ကိုယ့်စိတ်ကိုယ် စစ်ပါ။
လက်နှီးစုတ်လား ? ပ၀ါဖြူလား ?
လက်နှီးစုတ်ဆိုရင် နာနာလျှော်။
ပ၀ါဖြူဆိုရင် အပေမခံနဲ့။
(ဓမ္မဒူတ အရှင်ဆေကိန္ဒ)

လွတ်လပ်မှု မပေးစွမ်းနိုင်တဲ့ အမိန့်ဟာ
ညှင်းဆဲနှိပ်စက်မှု ဖြစ်သွားနိုင်တယ်။
အမိန့်မပါတဲ့ လွတ်လပ်မှုဟာလည်း
ဖရိုဖရဲဖြစ်သွားနိုင်တာပဲ။
ဒါကြောင့် ကမ္ဘာ့ငြိမ်းချမ်းရေးအတွက်
လွတ်လပ်ကိုလည်း ပေးစွမ်းနိုင်ရမယ်
ဖရိုဖရဲဖြစ်မှုကိုလည်း ကာကွယ်နိုင်စွမ်းရှိရမယ်။
(ဒလိုင်းလားမား)

Shwe Dagon & Khrushchev
1955 ကမ္ဘာ့ထိပ်သီး ကွန်မြူနစ်ခေါင်းဆောင် ဆိုဗီယက်ဝန်ကြီးချုပ် "ခရုရှက်" မြန်မာနိုင်ငံလာရောက်စဉ် ရွှေတိဂုံစေတီတော်ကြီးကို လက်အုပ်ချီကန်တော့ရာ မြန်မာ့နိုင်ငံရေးခေါင်းဆောင်တစ်ဦးက -
"ခင်ဗျားဟာ ကွန်မြူနစ်လုပ်နေပြီး ဘုရားရှိခိုးရသလားဗျ"
ဟုမေးလိုက်၏။ မစ္စတာခရုရှက်က -
"ဗုဒ္ဓကို ကျွန်တော်တို့ အလေးပြုရမယ်ဗျ၊ ဘာပြုလို့လဲဆိုတော့ မိမိဝါဒကို နှစ်ပေါင်း (၂၅၀၀)ကျော် တည်တံ့အောင် ပျိုးထောင်ခဲ့တဲ့ ဗုဒ္ဓရဲ့ စွမ်းပကားဟာ ကျွန်တော်တို့ လူ့သမိုင်းအရ ဘယ်လူသားကမှ လိုက်မမှီသေးဘူး။
ခု ကျွန်တော်တို့ စည်းရုံးနိုင်တယ်ဆိုတာ လူဘယ်နှစ်သန်းကို နောက်လိုက်ဖြစ်အောင် လုပ်နိုင်ကြသလဲ။ ဘယ်လောက်ကြာကြာ တည်တံ့အောင် လုပ်နိုင်မလဲ၊ ဗုဒ္ဓလောက် ကြီးမြတ်တဲ့ စည်းရုံးရေးမှူးမျိုး ရှိနိုင်ပါ့မလား။ ဒါကြောင့် ဗုဒ္ဓရဲ့ စည်းရုံးရေးစွမ်းအင်ကို အလေးပြုတဲ့အနေနဲ့ ကျွန်တော်က ခင်ဗျားတို့ ဓလေ့ အတိုင်း ရှိခိုးတာဗျ။ ဒါဟာ လုပ်သင့်လုပ်ထိုက်တဲ့ အလုပ်မဟုတ်လားဗျာ"
ဟု ပြန်ပြောခဲ့ဖူးလေသည်။

အားလုံးအတွက်
အစပထမ၌ သိဒ္ဓတ္ထမင်းသားသည် ခတ္တိယဖြစ်၏။
တောထွက်ချိန်မှစ၍ ခတ္တိယမဟုတ်တော့။
လူသားအားလုံးနှင့်ဆိုင်လာ၏၊ လူသားအားလုံး၏ သိဒ္ဓတ္ထ ဖြစ်လာ၏။
ခတ္ထိယတို့၏ သိဒ္ဓတ္ထမဟုတ်။
ဘုရားဖြစ်သောအခါတွင်ကား
လူအားလုံး၏ သိဒ္ဓတ္ထပင်မဟုတ်တော့
လူ၊ နတ်၊ ဗြဟ္မာသတ္တ၀ါအားလုံးတို့၏ သိဒ္ဓတ္ထ ဖြစ်လာ၏။
 (ဦးရွှေအောင်)

1 Comments:

At January 1, 2010 at 9:07 PM , Blogger Unknown said...

နှစ်သစ်မှာပျော်ရွှင်ပါစေ

 

Post a Comment

Subscribe to Post Comments [Atom]

<< Home