Thursday, December 17, 2009

ဟိံသက

ဆရာဖြစ်သူ၏ အထင်လွဲခြင်းခံရသူတစ်ယောက်အကြောင်းပါ..။
ဟိုရှေးတုန်းကတော့ ခုလိုတက္ကသိုလ်တွေများစွာမရှိသေးတော့ တိုင်းပြည်တခုခုက ပညာတတ်ဆရာကြီးတစ်ဦးဦးဆီမှာ သွားပြီး ပညာသင်ကြားကြရပါတယ်။ အဲဒီလို ပညာသင်တဲ့အထဲမှာ
ဟိံသက တစ်ယောက်လည်း ပါပါတယ်။ သူက အလိုက်သိလွန်းတဲ့ တပြည့်တစ်ယောက်ပါ။ ဆရာကချစ်သလို ဆရာကတော်ကလည်းဖူးဖူးမှုတ်ထားပါတယ်။ အဲဒီလိုအလိုက်သိလွန်းမှုက သူ့ကိုဆိုးဝါး စေတာပါပဲ။ အတတ်ပညာတစ်ခုမှာ ဆရာကတော်က ဆရာထက်ပိုတော်ပါတယ်။ သူသားလိုချစ်တဲ့
ဟိံသက ကိုပညာကုန်သင်ပေးပါတယ်။ ဆရာနဲ့ ဆရာမနှစ်ယောက်စလုံးရဲ့ မေတ္တာတွေကိုရထားတော့ တခြားကျောင်းသားတွေရဲ့ ၀န်တို မနာလိုမှုဆိုတာကလည်း လောကသဘာဝ ရှိလာတာပါပဲ။ ဒီတော့ ဆရာနဲ့ ဟိံသက ကို အထင်လွဲအောင်ပြောဆို ဂုံးတိုက်ကြပါတယ်။ "တိုက်ပါများတော့ နဲ့" ဆိုသလို ဆရာ အမှန်တကယ်ယုံသွားပါတယ်။ ဆရာမရဲ့ ပညာကုန်ရထားတဲ့ ဟိံသကဟာလည်း အဲဒီ အတတ်ပညာ တစ်ခုမှာဆရာ့ထက် ပိုတော်သွားတာကို ဆရာသိတဲ့အချိန်မှာတော့ ဆရာဖြစ်သူမခံစားနိုင်တော့ပါဘူး။ ဒီလိုနဲ့ ပညာစုံလို့ ဌာနေပြန်ချိန်ကြတော့ ဟိံသကရဲ့ ကန်တော့မှုကို လက်မခံပါဘူး။ ဆရာမနဲ့ စွပ်စွဲပါတယ်။ သူမဟုတ်ကြောင်း အတန်တန်ငြင်းပေမယ့် မရပါဘူး။ ကောက်ကျစ်တဲ့ဆရာဟာ သူ့ထက် ပညာတော်တဲ့ တပြည့်ကို ဥပါယ်တမျဉ်နဲ့ -
"မင်း လူလက်ညှိုးတစ်ထောင်နဲ့ ကန်တော့ရင် ယုံကြည်မယ်" လို့ပြောလိုက်ပါတယ်။ လူရဲ့လက်ညှိုးတစ်ထောင်ရဖို့ဆိုတာ မလွယ်ပါဘူး။ အဲဒီလက်ညှိုးတွေရဖို့ လက်တွေလိုက်ဖြတ်၊ လူတွေသတ်နဲ့ နောက်ဆုံး လူတွေအားလုံး ကြောက်ရွံ့ပြီး စစ်တပ်နဲ့ လိုက်ပြီးနှိမ်နှင်းခြင်းခံရပါတော့တယ်။ ဒါပေမယ့် သူဟာ ဒီဘ၀က နောက်ဆုံးဘ၀(ပစ္ဆိမဘ၀ိက)ဖြစ်တာမို့ မြတ်စွာဘုရားနဲ့ တွေ့ပြီး ရဟန္တာဖြစ်သွားပါတယ်။ သူရဟန်းဖြစ်ပေမယ့် အတိတ်က လူသတ် လက်ညှိုးဖြတ်လုပ်ခဲ့တဲ့ အကျုိုးကလိုက်လာပါတယ်။ သူဆွမ်းခံထွက်တိုင်း ဆွမ်းမရပဲ အုတ်ခဲကျိုး၊ တုတ်၊ ခဲတွေသာရပါတယ်။ ဒါပေမယ့် သူကတော့ ဘယ်လိုမှ မနေပါဘူး။ ဒီလိုနဲ့ ခက်ခက်ခဲခဲ ဆွမ်းခံစားရင်း တစ်နေ့မှာ မီးမဖွားနိုင်တဲ့ ကိုယ်ဝန်ဆောင်မိခင်လောင်းတစ်ဦးကို တွေ့ခဲ့ပါတယ်။ ကိုယ်ဝန်သည်မိခင်ရဲ့ မွေးဖွားခြင်းဆင်းရဲလှပုံကို မြင်တဲ့အခါ အလွန်သနားသွားပြီး အဲဒါကို ဘယ်လိုကူညီရင်ကောင်းမလဲ အမြဲတွေးပါတော့တယ်။ ဒီလိုနဲ့ မြတ်စွာဘုရားနဲ့တွေ့တော့မှာ အကျိုးအကြောင်းလျောက်ထားပြီး အဲဒါကို ဘယ်လိုကူညီရင်ရမလဲ မေးလျောက်ပါတယ်။ ဒီအခါမှာ မြတ်စွာဘုရားက ဟိံသကရဲ့သစ္စာကိုအဓိကထားပြီး ပရိတ်ဂါထာတပုဒ် ချီးမြှင့်ပါတယ်။ အဲဒီပရိတ်ကို ရွတ်ဖတ်ပြီး ပရိတ်ရေကို ကိုယ်ဝန်သည်ကိုတိုက်ပါက လွယ်ကူစွာ ဖွားမြင်လေသည်။
အဲဒီအချိန်ကစပြီး မထေရ်မြတ်ကြီးလည်း ဆွမ်းကွမ်းအတွက် မပူပင်ရတော့ပါဘူး။ ကိုယ်ဝန်သည်များလည်း ချမ်းသာယာရကြပါတော့တယ်။



အိမ်ထောင်သည်များ အမျိုးသမီးများကျက်မှတ်ထားသင့်ပါတယ်။ ဖွားခါနီးမှ ရွတ်သည်ထက် နေ့စေ့ လစေ့ ဖွားခါနီးလျှင် မပြတ် ရွတ်ပေးသင့်သည်။ တိရိစ္ဆာန်မများ မွေးရလွယ်အောင်လည်း ဤပရိတ်ရေကိုတိုက်ပြီး ကူညီပေးနိုင်သည်။

အင်္ဂုလိမာလသုတ်ပါဠိတော်
၁။ ပရိတ္တံ ယံ ဘဏန္တဿ၊ နိသိန္နဋ္ဌာနဓောဝနံ။
ဥဒကမ္ပိ ၀ိနာသေတိ၊ သဗ္ဗမေ၀ ပရိဿယံ။
ဤ အဂုင်္လိမာလ ပရိတ်တော်ကို ရွတ်ဖတ်သော မထေရ်မြတ်တို့၏ ထိုင်သည့်နေရာကို ဆေးကြောသည့်ရေသည်ပင်လျှင် ဘေးရန်ဟူ သမျှကို ပျောက်ကင်းစေတတ်၏

၂။ သောတ္ထိနာ ဂဗ္ဘ၀ုဋ္ဌာနံ၊ ယဉ္စ သာဓေတိ တင်္ခဏေ။
ထေရဿ' ဂုင်္လိမာလဿ၊ လောကနာထေန ဘာသိတံ။
ကပ္ပဋ္ဌာယိံ မဟာတေဇံ၊ ပရိတ္တံ တံ ဘဏာမ ဟေ။
အဂုင်္လိမာလ ပရိတ်တော်သည် ကိုယ်ဝန်သားကို ချမ်းသာလွယ်ကူစွာ ချက်ချင်း ဖွားစေနိုင်သော အစွမ်းရှိ၏။ အဂုင်္လိမာလ အမည်ရှိသော မထေရ်အတွက် မြတ်စွာဘုရားဟောကြားသော ပရိတ်တော်ဖြစ်၏။ အာယုကပ်ပတ်လုံးလည်း တည်၏။ တန်ခိုးလည်း အလွန်ကြီး၏။ ထိုပရိတ်ကို ယခုအခါ ကျွန်ုပ်တို့ စုပေါင်းရွတ်ဆိုကြပါစို့။

၃။ ယတော' ဟံ ဘဂိနိ အရိယာယ ဇာတိယာ ဇာတော။
နာဘိဇာနာမိ သဉ္စိစ္စ ပါဏံ ဇီဝိတာ ဝေါရောပေတာ။
တေန သစ္စေန သောတ္ထိ တေ ဟောတု သောတ္ထိ ဂဗ္ဘဿ။
"အို...နှမ ငါသည် အရိယာဇာတ် ရဟန်းမြတ်ဖြစ်သောအခါမှ စ၍ သေစေလိုသော စေတနာဖြင့် သတ္တ၀ါတစ်ကောင်ကောင်ကို သတ်ဖူးသည်ဟု ငါမသိပေ" ထိုသို့မှန်သော သစ္စာစကားကြောင့် သင့်အား ချမ်းသာပါစေ၊ ကိုယ်ဝန်သားလည်း ချမ်းသာပါစေ..။


အားလုံး လွယ်ကူစွာ ဆောင်ရွတ်နိုင်ကြပါစေ...။

0 Comments:

Post a Comment

Subscribe to Post Comments [Atom]

<< Home