Wednesday, December 2, 2009

သီလ၀

မြန်မာ့သမိုင်းမှာ ထင်ရှားလူသိများခဲ့တဲ့ မြို့စား နယ်စားတစ်ဦးဖြစ်ပါတယ်။ သူဟာ စစ်တိုက်တော်တယ်။ စစ်သားပီသတယ်။ ဒါပေမယ့် နိုင်ငံအုပ်ချုပ် မင်းလုပ်ဖို့ စိတ်မ၀င်စားပါဘူး။ သူဝါသနာပါတဲ့ ကြက်တိုက်၊ တောလိုက်၊ ဆင်ဖမ်း အလုပ်တွေနဲ့ပဲ အချိန်ကို ကုန်လွန်စေခဲ့ပါတယ်။ လက်အောက်ငယ်သားများကလည်း လေးစား ကြောက်ရွံ့ ကြပါတယ်။ နောက် ထင်ရှားတဲ့ သူ့အမှတ်အသားက အပြုံအရယ်လုံးဝ မရှိပါဘူးတဲ့။
မှတ်တမ်းများအရ သူဟာ တစ်သက်လုံးမှာ (၃)ခါသာ ပြုံးရုံ ပြုံးပါသတဲ့။
အဲဒီ သူကတော့ ရမည်းသင်းမြို့စား သီလ၀ပါပဲ။

တစ်ခါက မြို့ရိုး ပေါ်ကနေ မြို့ပြင်ကိုကြည့်နေတုံး ဘုန်းကြီးလူထွက် တစ်ယောက်က မြို့ပြင်ကျုံးထဲမှာ ရေချိုးတာကို တွေ့သတဲ့။ အဲဒါကို တွေ့ပြီး ပြုံးတာပါတဲ့။ ဘာလို့လဲဆိုတော့ အဲဒီ လူက သူ့ကိုဘုန်းကြီးလူထွက်မှန်း သူများတွေသိမှာကြောင့် ခေါင်းမှာပေါင်းထားတဲ့ ခေါင်းပေါင်းကို မချွတ်ပဲနဲ့ ကျုံးထဲမှာ ရေငုတ်နေလို့ပါပဲ။ :)

တစ်ခါက တောလိုက်က အပြန် အိမ်တော်ရောက်တော့ သူ့မယား မြို့စားကတော်က ရွှေခွက်နဲ့ ရေခပ်ပြီး ခြေဆေးပေးပါတဲ့။ အဲဒါကိုကြည့်ပြီး "အင်း ဒီနေ့ ငါ့မိန်းမ အကြောင်းထူးတော့ရှိရမယ်" လို့တွေးပြီး ပြုံးတာပါတဲ့။ အကြောင်းကတော့ ရွာတစ်ရွာက သူကြီးတစ်ယောက် ကြက်တိန်ညင်တစ်ကောင် ကိုပိုက်ပြီး မြို့စားအိမ်ကိုရောက်လာပြီး မြို့စားရှိ / မရှိ မေးပါတယ်။ မြို့စားကြီးတော့ မရှိပါဘူး၊ ကျွန်မ မြို့စားကတော်ပဲ ရှိပါတယ်။ ပြောစရာရှိတာ ပြောလို့ရပါတယ်လို့ပြောပေမယ့် အဲဒီရွာသူကြီးက ဘာတစ်ခွန်းမှ ပြန်မပြောပဲ ကြက်ကို ပိုက်ပြီး အိမ်တော်ပေါ်မှ ဆင်းသွားပါတယ်။ ဒီတော့ မြို့စားကတော်လည်း "အင်း ငါတို့မှာ ဘုန်းကံမရှိ၊ လူမလေးစား၊ ယောင်္ကျား၏ ဘုန်းကံပေါ်မှီခိုနေရတာပါလား " လို့ တွေးပြီး မြို့စားကြီး အပြန်မှာ ရွှေခွက်နဲ့ ရေခပ်ပြီး ခြေဆေးပေးတာပါတဲ့။

နောက်တစ်ခါက ရမည်းသင်းထန်းတောထဲမှာ သီလ၀နှင့် သူ့စစ်သူကြီး တိတလ တို့ ကြက်တိုက်နေကြပါတယ်။ အဲဒီအချိန်မှာပဲ သူပုန်တပ်များ မြို့ကို ၀န်းရံလာကြောင်း မြို့စောင့်တပ်သားက မြို့စားအိမ်တော်ကိုသတင်းပို့ပါတယ်။ ဒီအခါမှာ မြို့စားကတော်ဟာ စိုးရိမ်တကြီးနဲ့ ငယ်သားတွေကို မခိုင်းပဲ သူကိုယ်တိုင် ထန်းတောကို အပြေးသွားပြီး မြို့ကို သူပုန်ဝိုင်းဖို့ လာနေပီလို့ အော်ဟစ်ပြေးသွားပီး သတင်းပို့ပါသတဲ့။ ရင်ဘတ်စည်တီး ဖိုးရိုးဖားယားနဲ့ ပြေးလာနေတဲ့ မြို့စားကတော်ကိုမြင်တဲ့ သီလ၀ဟာ ပြုံးရုံမကပဲ ၀ါးကနဲ ရယ်သောဟူ၏။

2 Comments:

At May 27, 2010 at 6:30 AM , Anonymous Hla Moe Aung said...

ဟဲလို... ရမည်းသင်းသားလေးလား

 
At May 27, 2010 at 6:45 AM , Blogger Unknown said...

i want to copy this post for www.facebook.com/yamethin
thz millions :)

 

Post a Comment

Subscribe to Post Comments [Atom]

<< Home