Monday, January 18, 2010

ကာယမိမံ

11-11-61 ခု၊ ကျေးဇူးတော်ရှင် အဂ္ဂမဟာပဏ္ဍိတ မိုးကုတ်ဆရာတော်ဘုရားကြီး  အမရပူရမြို့ ၊ မင်္ဂလာတိုက်၌ ဟောကြားဆုံးမတော်မူသော ၀ိပဿနာရှုနည်း အလုပ်ပေးတရားတော်

        ဒကာ ဒကာမတွေ သိကြားမင်းအကြောင်းမဟောခင် ၀ိပဿနာရှုနည်းကို ရှေးဦးစွာပြောမယ်..။
(မှန်လှပါဘုရား)
ဝိပဿနာရှုနည်းက ရှင်သာရိပုတ္တရာက ဟောထားတယ်။
ကာယမိမံ သမ္မသထ၊ ပရိဇာနာထ၊ ပုနပ္ပုနံ။
ကာယေသဘာဝံ ၊ ၀ိဒိတွာန၊ ဒုက္ခဿန္တံကရိဿတိ။
       ဤကဲ့သို့ဟောထားတော့ ဒကာ ဒကာမတွေသည် ဘုရားရှေ့မှာဖြစ်စေ၊ ကိုယ်အိပ်ယာထဲမှာဖြစ်စေ ထိုင်ပြီးသကာလ၊ မိန်းမဖြင့် ဒူးတုပ်၊ ယောက်ျားဖြင့် တင်ပျဉ်ခွေထိုင်ပြီး သကာလ၊ ထိုင်ချင်သလိုထိုင်၊ အိပ်ချင်သလိုအိပ်၊ ကိစ္စမရှိပါဘူး....တဲ့။ သို့သော် အသက်ကလေးမှန်မှန်ရှူပြီးသကာလ လေလေး ထွက်တာလဲသိလို့၊ လေလေး ၀င်တာလည်း သိလို့၊ ဒီလိုချည်း သိပြီးသကာလ နေရာမှ  ပထမ ရှေးဦးစွာတော့ဖြင့် ထွက်တာသိ ၀င်တာသိပဲ လုပ်နေပါ။ ဒီထဲကမှ ဟိုနေရာက အောင့်သလိုလို လာလို့ရှိရင် ထွက်တာသိ ၀င်တာသိ ဖြုတ်လိုက်ပါ။
        ထွက်တာသိ ၀င်တာသိ ဖြုတ်ပစ်လိုက်ပါတော့လို့ သတိပေးလိုက်တယ်..။ (မှန်လှပါ့ဘုရား)
ထွက်တာသိ ၀င်တာသိ ဖြုတ်ပြီး အောင့်တဲ့နေရာလေးကို ဉာဏ်လှည့်လိုက်၊ သြော်... ဒါ.. ဖောက်ပြန်လာတာပါလား၊ အင်း... ဖောက်ပြန်လာတာ...။ နဂိုက မအောင့်ဘူး၊ ခုမှ ဒီနေရာလေးက အောင့်လာတယ်။ အဲဒီ ဖောက်ပြန်တဲ့နေရာကလေး ကြည့်လိုက်ပြီဆိုမှဖြင့် ဖောက်ပြန်တာကလေးက ပျက်စီးသွားတယ်။
         ထွက်တာသိ ၀င်တာသိလုပ်နေတုန်း တစ်နေရာရာက ဘာဖြစ်လာသတုံး။ (အောင့်လာပါတယ် ဘုရား)
အောင့်လာတဲ့အခါကျတော့ ထွက်တာသိ ၀င်တာသိဖြုတ်လိုက်ပါ။ (မှန်လှပါဘုရား)
အောင့်တဲ့နေရာကလေး ဉာဏ်လှည့်လိုက်ပါ။ ခြေသလုံးက အောင့်ရင် ခြေသလုံး၊ ပေါင်ကအောင့်ရင် ပေါင်၊ ခါးကအောင့်ရင် ခါး၊ နောက်ကျောအောင့်လို့ရှိရင် အောင့်တဲ့နေရာကလေး ဉာဏ်လှည့်လိုက်ပါ။
       အဲဒါကလေးက ဘာပါလိမ့်မလဲဆိုတော့ ပင်ကိုသဘောမှ ဖောက်ပြန်လာတာ။ အဲဒီဖောက်ပြန်တဲ့ နေရာကလေးကို ဒကာသစ်၊ ဒကာကြွယ်၊ ဦးလှဘူးတို့က ဉာဏ်လှည့်လိုက်ပြီ ဆိုမှဖြင့် ဉာဏ်ပေါ်နေတဲ့အတွက် သတ္တ၀ါသန္တာန်မှာ အောင့်တဲ့စိတ်ကလေးက ချုပ်သွားပြီး ဉာဏ်စိတ်ကလေးက ပေါ်နေတယ်။ ဉာဏ်စိတ်ကလေးပေါ်နေတော့ အောင့်တာလေးက ဖောက်ပြန်ပြီး သကာလ ပျက်စီးသွားတာ တွေ့ပါလိမ့်မယ်။ ဖောက်ပြန်ပျက်စီးသွားတာ တွေ့ပါလိမ့်မယ်။
       ဤကဲ့သို့ ဖောက်ပြန်ပျက်စီးသွားတာတွေ တွေ့တဲ့အခါကျတော့ ဒီခန္ဓာကိုယ်ကြီး စိုက်ကြည့်နေလို့ ဖောက်ပြန်ပျက်စီးတာ တွေ့တာလို့ မှတ်လိုက်ပါနော်။ (မှန်လှပါဘုရား)။
အဲဒီတော့ ဖောက်ပြန်ပျက်စီးတာက အနိစ္စ၊ ဒုက္ခသစ္စာ။ အနိစ္စဆိုလည်း ဟုတ်တာပဲ၊ ဒုက္ခသစ္စာဆိုလည်း ဟုတ်တာပဲ။ သြော်... ဒါက ဒုက္ခသစ္စာ၊ ဖောက်ပြန်ပျက်စီးပြီလို့ သိနေတာကလေးက လောကီ မဂ္ဂသစ္စာ၊ ဒါ ဒီနေရာကလေးက အောင့်တာကလေးက ပျောက်သွားလို့ ဟိုနေရာက အောင့်တာပေါ်လာတယ်။ ဟိုစိတ်ကလေး စားချင်တဲ့စိတ်ကလေးပေါ်လာတယ်။ အဲဒါကိုလဲ စားချင်တဲ့စိတ်ကလေးကိုလဲ ရှိ မရှိ ကြည့်ပေးပါ။ ကြည့်လိုက်တဲ့အခါကျလို့ရှိရင်ဖြင့် ကြည့်တဲ့ဉာဏ်ပေါ်လာလို့ ရှိရင်ဖြင့် သတ္တ၀ါသန္တာန် နှစ်စိတ်မပေါ်ကောင်းတဲ့အတွက် စားချင်တဲ့စိတ်ကလေးက ဒကာကြွယ်၊ ဒကာသစ်တို့ ဖြစ်ပြီး ပျက်သွားတယ်။ (မှန်လှပါဘုရား)
     သူလည်း ခုမှ ဖောက်ပြန်ပြီး လာတာ၊ အခုပဲ ပျက်စီးသွားတယ်။ အဲဒီတော့ ဖောက်ပြန်ပျက်စီးသွားတာ ဘာသစ္စာခေါ်ကြမလဲ...။ (ဒုက္ခသစ္စာပါဘုရား)
အင်း... ဒုက္ခသစ္စာကို ဘုန်းကြီးတို့ ဒကာ ဒကာမတွေက သိလိုက်တော့ အသိခံရတာက ဒုက္ခသစ္စာ၊ အသိဉာဏ်က မဂ္ဂသစ္စာလို့ အောက်မေ့ကြပါ။ (မှန်လှပါဘုရား)
ဒီလိုချည်းပဲ ခန္ဓာကိုယ်ထဲ လှည့်လိုက်ပြီးသကာလ နေတော့ အသိခံတာက ဒုက္ခသစ္စာ၊ အသိဉာဏ်က မဂ္ဂသစ္စာဆိုတော့ သြော်... ခန္ဓာကိုယ်ထဲမှာ ဒုက္ခသစ္စာရယ်... သိနေတဲ့ မဂ္ဂသစ္စာရယ်...။
ဤသစ္စာနှစ်ခုသာ ရှိပြီးသကာလနေတော့ သမုဒယသစ္စာဆိုတဲ့ လောဘ ချုပ်ငြိမ်းရုပ်သိမ်းပြီးသကာလ နေတော့တယ်။ ဒီလောဘက ချုပ်ငြိမ်း နေတော့ လောဘ တဏှာချုပ်တော့ ဥပါဒါန်မချုပ်ဘူးလား ။ (ချုပ်ပါတယ်ဘုရား)။
ဥပါဒါန်ချုပ်တော့ ကံချုပ်တယ်၊ ကံချုပ်တော့ အနာဂတ်ဘ၀ လာလတ္တံ့ဖြစ်တဲ့ ပဋိသန္ဓေနေမှု အိုမှု သေမှုရော.... ။ (ချုပ်ပါတယ်ဘုရား)
     သြော်... ဒါ ဘယ့်နှယ်ကြောင့်ချုပ်ပါလိမ့်မလဲလို့ ဒကာကြွယ်၊ ဒကာသစ်တို့ ၊ ဦးလှဘူးတို့က မေးလို့ရှိရင်ဖြင့် ဖောက်ပြန်ပျက်စီးတာ မြင်နေတဲ့ မဂ်က ချုပ်စေတာဆိုတာ သေချာပြီလား... (သေချာပါတယ်ဘုရား)။
       ဒါဖြင့် ဒီ ခန္ဓာကိုယ်ကြီးကို ၀ိပဿနာရှုဆိုတာ ခန္ဓာကို စောင့်ကြည့်တဲ့အလုပ်လို့ မှတ်လိုက်စမ်းပါ။
(မှန်လှပါဘုရား)။
ဝိပဿနာအလုပ်ဆိုတာ ဘာပါလိမ့်..။ (ခန္ဓာကို စောင့်ကြည့်တဲ့အလုပ်ပါဘုရား)။
ဒါကြောင့် ... "ကာယမိမံ သမ္မသထ" ဣမံကာယံ- ဤခန္ဓာကိုယ်ကြီးကို။ သမ္မသထ- စောင့်ကြည့်ပြီး သုံးသပ်စမ်းပါကွာ၊ လို့ ရှင်သာရိပုတ္တရာက မှာရှာတယ်။ ခန္ဓာကိုယ်ကြီး စောင့်ကြည့်ပြီး သုံးသပ်စမ်းပါ။ ဆင်ခြင်စမ်းပါ ဆိုတော့ မလာပေဘူးလား ။ (လာပါတယ်ဘုရား)။
ပျက်စီးသွားတာ ဖြစ်ပျက်၊ စောင့်ကြည့်တာ..( မဂ်ပါဘုရား)။
သြော်...မဂ်ဆိုတာ ဒကာ ဒကာမတို့ စောင့်ကြည့်မှ ရတယ်လို့ မှတ်စမ်းပါ..။ (မှန်ပါ့ဘုရား)
မစောင့်ကြည့်ရင်.. (မရပါဘုရား)။ မရဘူး..။ ရှာရင်တော့ မရဘူး။ စောင့်ကြည့်ရင်တော့ (ရပါတယ်ဘုရား)။
တောထဲက ကျားတွေက အပြေးတော့ မသန်ပါဘူးတဲ့..။ အဖမ်းတော့ မြန်သလို မိလိန္ဒပဥှာက စောင့်ဖမ်းပါလို့လဲ သေသေချာချာ ဟောထားတယ်။ (မှန်ပါ့ဘုရား)။
        ဒါကြောင့် ဘုန်းကြီးတို့ ဒကာ ဒကာမတွေက အိမ်ရောက်လို့ရှိရင် ဘုန်းကြီးပြောတဲ့အတိုင်းသာ လုပ်ကြစမ်းပါ။ ခန္ဓာကိုယ်စောင့်ကြည့်နေ၊ ဘာနဲ့ စောင့်ရမလဲဆိုတော့ ရှူမှုလေး မှန်မှန်ရှူ၊ ရှိုက်မှုလေး မှန်မှန်ရှိုက်၊ ရှိုက်ရာကမှနေ အထူးတရားလေးပေါ်လာလို့ရှိရင် သြော်...ဒါ ၀ိပရိနာမလက္ခဏာ ဒုက္ခသစ္စာပါလားလို့... စောင့်ကြည့်လိုက်..။ (မှန်လှပါဘုရား)။
   ဒါဖြင့် ၀ိပရိနာမလက္ခဏာ ဒုက္ခသစ္စံက ဒုက္ခသစ္စာ၊ စောင့်ကြည့်တာကလေးက (မဂ္ဂသစ္စာပါဘုရား)။
သေတာက သမုဒယသစ္စာ၊ နောက်ခန္ဓာ မလာတာက နိရောဓသစ္စာ၊ နိရောဓဆိုတော့ သြော်... တို့ သစ္စာအလုပ် လုပ်နေတာပါကလား ဆိုတာ ပေါ်မလာဘူးလား.. (ပေါ်လာပါတယ်ဘုရား)။
       သြော်...ဒါဖြင့် ၀ိပဿနာအလုပ်ဆိုတာ အားလုံး တရားနာတဲ့ ဒကာ ဒကာမတွေ စောင့်ကြည့်တဲ့အလုပ်..။ (မှန်လှပါဘုရား)။
ဝိပဿနာဆိုတာ ဘာပါလိမ့်...။ (စောင့်ကြည့်တဲ့အလုပ်ပါဘုရား)။
စောင့်ကြည့်တဲ့အလုပ်ဆိုတော့... တပည့်တော်တို့ဖြင့် မလုပ်တတ်သေးပါဘူးဘုရား.. ဆိုရင် စောင့်မကြည့်လို့သာ မှတ်ပေတော့...။ (မှန်ပါ့ဘုရား)
      စောင့်ကြည့်တော့ ခန္ဓာကိုယ်ကြီးက ဟိုနေရာကပြ၊ ဒီနေရာရပြ၊ ဟိုနေရာက ပြလိုက်၊ ဒီနေရာက ပြလိုက်နဲ့ ပြတဲ့နေရာကိုပဲ စောင့်ကြည့်နေတဲ့အခါကျလို့ရှိရင် ပြတာက ဒုက္ခသစ္စာ၊ သိတာက မဂ္ဂသစ္စာ၊ သေတာက... (သမုဒယသစ္စာပါ ဘုရား)။ နောက်ခန္ဓာမလာတာက.. (နိရောဓသစ္စာ ပါဘုရား)။ နိရောဓသစ္စာဆိုတာ သြော်... တို့တစ်တွေ သစ္စာလေးပါးအလုပ် လုပ်နေပါကလား ဆိုတာ မပေါ်လာဘူးလား။ (ပေါ်လာပါတယ်ဘုရား)။ ရှင်းပလား..။ (ရှင်းပါပြီဘုရား)။
   ဒကာကြွယ်ရေ.. ဒကာကြွယ်တို့ လုပ်တော့လဲ စောင့်ကြည့်ရတယ်မဟုတ်လား..။ (မှန်ပါ့ဘုရား)။ လိုက်ဖမ်းရင် မိပါ့မလား။ (မမိပါဘုရား)။
   အေး... ဒါကြောင့် ဘုန်းကြီးတို့ ဒကာ ဒကာမတွေ စောင့်ကြည့်လို့ရှိရင် ခန္ဓာကိုယ်ကြီးကို ပင်ကိုက အနာခန္ဓာကိုယ်ကြီးကိုး...။ (မှန်လှပါဘုရား)။
အနာတွေပဲ မပြရပေဘူးလား...(ပြပါတယ်ဘုရား)။ အနာခန္ဓာကိုယ်ကြီးမို့ အနာခန္ဓာတွေ ပြတော့ ဒီအနာခန္ဓာတွေကလဲ ဖြစ်လိုက်၊ ပျက်လိုက်၊ ပျက်လိုက်၊ ဖြစ်လိုက်နဲ့ ပြနေတော့ သြော်... ဒီဥစ္စာ ဖြစ်ပျက်က ဒုက္ခသစ္စာ သိတာက မဂ္ဂသစ္စာပါလားဆိုတာ.. အခုအချိန်မှာ ဉာဏ်ထဲမှာ ပေါ်လာတယ်... (မှန်လှပါဘုရား)။
       ထိုကဲ့သို့ ပေါ်လာတဲ့အခါကျလို့ရှိရင်ဖြင့်... ကိလေသာ ကြားမညှပ်လို့ရှိရင် ဖြစ်ပျက်နဲ့ မဂ်နဲ့ကြားထဲမှာ ကိလေသာကြား မခြားလို့ရှိရင် (ရ)ရက်၊ နဲ့ မဂ်ဉာဏ်ဖိုလ်ဉာဏ် ရပါတယ်...(မှန်လှပါဘုရား)။ ဖြစ်ပျက်နဲ့ မဂ်နဲ့ ကြားထဲမှာ ကိလေသာမခိုရင်..(ခုနစ်ရက်နဲ့ ရနိုင်ပါတယ်ဘုရား)။ ဒကာကြွယ်.. မမြန်လား။ (မြန်ပါတယ်ဘုရား)။
     ဘုန်းကြီးက ဟောတာလား ၊ ဘုရာသခင်ကိုယ်တော်မြတ်ကြီးက ဟောတာလားလို့ ဆိုတော့ သတိပဌာန် ပါဠိတော်မှာ သေသေချာချာ ရှိလေသောကြောင့် ဒကာ ဒကာမတွေ စောင့်ကြည့်တဲ့အလုပ် မလုပ်ခဲ့သောကြောင့် သံသရာရှည်ရပါတယ် ဆိုတာ သဘောကျပလား...(ကျပါတယ်ဘုရား)။
သြော်...ဒါဖြင့် ၀ိပဿနာဆိုတာ အားစိုက်ရှုရတာလား၊ ဒကာ ဒကာမတို့ စောင့်စားပြီး ရှုရတာလား...။ (စောင့်စားပြီး ရှုရပါတယ်ဘုရား)။
သေသေချာချာ ပြောနေပါတယ် ဒကာ ဒကာမတို့..(မှန်ပါ့ဘုရား)။ လေးလေးစားစားနဲ့  မှတ်စမ်းပါ။ (မှန်ပါ့ဘုရား)။


  လေးလေးစားစားနဲ့မှတ်လိုက်တဲ့အခါကျတော့ စောင့်ကြည့်တဲ့အလုပ်တွေက ခန္ဓာကိုယ်ထဲမှာ ဘာမှ ကြည့်စရာ မရှိလို့ရှိရင်ဖြင့် ...။ သြော်... လေးကလေးထုတ်တဲ့ စိတ်ကလေးလဲ ထုတ်ပြီး ပျက်တာပဲ။ (မှန်ပါ့ဘုရား)။
လေကလေး ပြန်သွင်းတဲ့ စိတ်ရော... (သွင်းပြီး ပျက်ပါတယ်ဘုရား)။ အဲဒါကလေး ဘယ်ကမှ မရှိတော့ ဘူးဆိုရင် သူပြန်ထိုင်လိုက်..(မှန်လှပါဘုရား)၊ သဘောကျပလား..(ကျပါတယ်ဘုရား)။
         ဟာ.... သူ့ပြန်ရင်း မတ္တနဲ့ပဲ ဟိုနေရာက ယားသလိုလို၊ ဒီနေရာက အောင့်သလိုလို၊ ဒီနေရာက ကောင်းသလိုလို လာပြန်လို့ရှိရင် သူ့ဖြုတ်ပစ်လိုက်...(မှန်ပါ့ဘုရား)။ ခုနင်က ယားတဲ့နေရာ ကောင်းတဲ့နေရာ လှည့်လည်ပြီး သြော်... ဒါတွေ ဒုက္ခသစ္စာပါလား.. ဒါတွေ ဒုက္ခသစ္စာပါလားလို့ ရှုပါ...။ (မှန်လှပါဘုရား)။
  ကောင်းတဲ့စိတ်ကလေးလဲ ဖြစ်ပြီးပျက်တော့ ဒုက္ခရောက်တာပဲ...(မှန်လှပါဘုရား)။ ဆိုးတဲ့စိတ်ကလေးလဲ ဖြစ်ပြီး ပျက်တော့... (ဒုက္ခ ရောက်ပါတယ်ဘုရား)။ အလယ်အလတ်စိတ်ကလေးလဲ ဖြစ်ပြီးပျက်တော့.. (ဒုက္ခရောက်တာပါပဲ ဘုရား)။
 အဲဒီ ဒုက္ခသစ္စာတွေချည်းပဲ ပိုင်ပိုင်နိုင်နိုင် ဖြစ်ပျက်က ဒုက္ခသစ္စာ၊ သိတာက မဂ္ဂသစ္စာလို့ ဒကာ ဒကာမတွေ ကြိုးစားနေကြမယ်ဆိုလို့ရှိရင် ကြာတော့ ဒုက္ခသစ္စာ တွေ့တာက ဘုရားက...
"သံခိတ္တေန ပဉ္စုပါဒါနက္ခန္ဓာပိ ဒုက္ခာ" လို့ဟောသောကြောင့်၊ ခန္ဓာငါးပါးစလုံး ပြတဲ့ ဥစ္စာတွေ အနိစ္စလဲမပြ၊ ဒုက္ခလဲမပြ၊ အနတ္တလဲ မပြ၊ အသုဘလဲ မပြနဲ့ ဒကာကြွယ် ဒကာသစ်တို့ ဒုက္ခသစ္စာပဲ ပြတယ်။ (မှန်ပါ့ဘုရား)။
   အဲဒီကဲ့သို့ပြလာပြီဆိုမှဖြင့် သြော်.. လူ့ဘ၀ရတာ ဒုက္ခသစ္စာရတာကိုး လို့ပေါ်ပေါ်လွင်လွင်ကြီး သိမလာပေဘူးလား.. (သိလာပါတယ်ဘုရား)။ လူ့ဘ၀ရတာ ဘာရတာပါလိမ့်...(ဒုက္ခသစ္စာကြီး ရတာပါဘုရား)။ ဒုက္ခသစ္စာကြီးရတယ်ဆိုတာ မသေချာဘူးလား... (သေချာပါတယ်ဘုရား)။
   အဲဒီကဲ့သို့ ဒုက္ခသစ္စာကြီးကို ရတာကို ပိုင်ပိုင်နိုင်နိုင် သိနေတော့ တစ်ကိုယ်လုံးမှာ ဟိုကယား ဒီကနာ ဒီကအောင့် ဟိုကကိုက်၊ ဒီကခဲ ၊ ဟိုက တစ်မျိုးတစ်ဖုံပေါ်၊ ပေါ်လာတာဟူသရွေ့ ပျောက်တာပဲ တွေ့ရ၊ စောင့်ကြည့်တဲ့ပုဂ္ဂိုလ် မတွေ့ရဘူးလား...။ (တွေ့ရပါတယ်ဘုရား)။
 ဒါဖြင့် ၀ိပဿနာအလုပ်ဆိုတာ ဘယ်လိုလုပ်ရမှာပါလိမ့်မလဲလို့ မေးရင် ဘယ်နှယ်ဖြေကြမလဲ..(စောင့်ကြည့်ရပါတယ်ဘုရား)။
စောင့်ကြည့်တာပဲတဲ့။ အကြည့်ခံရတာက ဒုက္ခသစ္စာ၊ ကြည့်ဉာဏ်က မဂ္ဂသစ္စာ၊ အကြည့်ခံရတာက ...(ဒုက္ခသစ္စာပါဘုရား)။ ကြည့်ဉာဏ်က (မဂ္ဂသစ္စာပါဘုရား)။ မဂ္ဂသစ္စာဆိုတော့ သြော်... မဂ်ဟာ ဆုတောင်း အလုပ်လား၊ စောင့်ကြည့်တဲ့ ဉာဏ်အလုပ်လား...။ (စောင့်ကြည့်တဲ့ ဉာဏ်အလုပ်ပါဘုရား)။
စောင့်ကြည့်တဲ့ဉာဏ်အလုပ်လို့ ဒကာ ဒကာမတွေက အသိကြီးသိလာပြီဆိုမှဖြင့် သြော်..ခန္ဓာကိုယ်ကြီးဟာ သုခကြားမညှပ် ဒုက္ခသစ္စာ တရစပ်ပါလားဆိုတာ ပေါ်ပါလိမ့်မယ်။ (ပေါ်လာပါတယ်ဘုရား)။ သုခကြားမညှပ်... ။ (ဒုက္ခသစ္စာ တရစပ်ပါဘုရား)။ ဒုက္ခသစ္စာ တရစပ်ပါလားဆိုတာ မပေါ်လာဘူးလား..။ (ပေါ်လာပါတယ်ဘုရား)။
   ထိုကဲ့သို့ပေါ်လာတဲ့အခါကျတော့မှ သြော်.. ဒုက္ခသစ္စာကြီးပါလား၊ သုခဆိုတာ ဘာမှ မပေါ်လာပါလား ဆိုတော့ ဒုက္ခတွေမြင်ပြီး ငြီးငွေ့လာပါလိမ့်မယ်..(မှန်ပါ့ဘုရား)။ ဒါဖြင့် ဖြစ်ပျက်မြင်တာသည်။ ယထာဘူတဉာဏ်...(မှန်ပါ့ဘုရား)။ ဖြစ်ပျက်ဒုက္ခသစ္စာကြီး မုန်းလာတာသည်.. (နိဗ္ဗိန္ဒဉာဏ်ပါဘုရား)။
ကြာတော့ ဉာဏ်ကထက်ထက်၊ ထက်ထက်လာပြီး ကြည့်ပါများလာတော့ ဘုန်းကြီးတို့ ဒကာ ဒကာမတွေ၌တဲ့ ဒီဒုက္ခကြီးနဲ့ မနေချင်ပါဘူးဆိုတဲ့ မနေချင်တဲ့ဉာဏ် မလာပေဘူးလား..။ (လာပါတယ်ဘုရား)။
မနေချင်တဲ့ဉာဏ်လာတဲ့အခါကျတော့ ခုနင်က ဒုက္ခတွေ အကုန်ပျောက်သွားပါလိမ့်မယ်... (မှန်ပါ့ဘုရား)။ မနေချင်တဲ့ ဉာဏ်လာတော့ ဘာတွေပျောက်သွားသလဲ.. (ဒုက္ခတွေ ပျောက်ပါတယ်ဘုရား)။
ဒါဖြင့် ဒုက္ခပျောက်၍ ဒုက္ခဆုံးတာက နိရောဓသစ္စာ၊ ဒုက္ခအဆုံးသိတာက ... (မဂ္ဂသစ္စာပါဘုရား)။
    မဂ္ဂသစ္စာဆိုတော့ မဂ်အစစ်ပေါ်လာလိမ့်မယ်။ (မှန်ပါ့ဘုရား)။ ဒုက္ခပျောက်ရင် မဂ်အစစ်ပေါ်လိမ့်မယ်။ ဒုက္ခတွေ့ရင် ၀ိပဿနာမဂ်ပေါ်လိမ့်မယ်... (မှန်လှပါဘုရား)။ ဒုက္ခတွေ့ရင် ..(၀ိပဿနာမဂ်ပေါ်လိမ့်မယ် ဘုရား)။
   ဒုက္ခတွေမရှိဘူးဘုရား..။ ရှုစရာကို မရှိဘူးဘုရား ဆိုရင်ဖြင့် ဘာပေါ်လာမလဲ... (မဂ်စစ်ပေါ်လာလိမ့်မယ် ဘုရား)။
မဂ်စစ်ပေါ်လာလို့ ဒုက္ခမရှိတာက နိရောဓသစ္စာ..(မှန်လှပါဘုရား)။
မဂ်စစ်ပေါ်လာလို့ ဒုက္ခမရှိတာက နိရောဓသစ္စာ..(မှန်လှပါဘုရား)။
မရှိမှန်းသိတာက.. (မဂ္ဂသစ္စာပါဘုရား)။
အဲဒီကျအောင် စောင့်ကြည့်ရင်းမတ္တနဲ့ ဆုံးသွားအောင် လိုက်လိုက်လို့ရှိရင်ဖြင့် "ဒုက္ခဿအန္တံကရိဿတိ"
ဒုက္ခဿ- ဒုက္ခ၏။ အန္တံ- အဆုံးကို၊ ကရိဿတိ - မဂ်ဉာဏ်က မျက်မှောက်ပြုလိမ့်လတ္တံ့လို့ ရှင်သာရိပုတ္တရာ ကလဲဟော၊ ဘုရားကလည်း ဟောသည်ဖြစ်လေသောကြောင့် ဘုန်းကြီးတို့ ဒကာ ဒကာမတွေ ယနေ့ကစပြီး စောင့်ကြည့်တဲ့အလုပ် လုပ်စမ်းပါ...(မှန်လှပါဘုရား)။
        ဖြစ်ပျက်တွေလာသရွေ့ကို စောင့်သာကြည့်ပါလို့ သတိပေးလိုက်တယ်..(မှန်လှပါဘုရား)။ ဖြစ်ပျက်တွေ လာသရွေ့ကို (စောင့်သာကြည့်ရပါမယ်ဘုရား)။ စောင့်ကြည့်ပါ..။ ဒီ့ပြင် ဘာမှမလုပ်ပါနဲ့၊ စောင့်ကြည့်ပါ၊ စောင့်ကြည့်တာကြာတော့ ဖြစ်ပျက်တွေ ဒကာကြွယ်တို့ ဦးလှဘူးတို့ စိပ်လာလိမ့်မယ်... (မှန်လှပါဘုရား)။
စိတ်လာပြီဆိုမှဖြင့် စိပ်ပေမယ့် မပျင်းနဲ့၊ သြော်... အသေတယ်များပါကလား၊ သြော်... ဒုက္ခတွေ တယ်များပါကလားလို့ သူက ဘယ်လောက်ပဲများများ ကိုယ်က ဒုက္ခများတယ်လို့သာ မြင်အောင်ကြည့်နေ... (မှန်လှပါဘုရား)။ ကြာတော့ သြော်... ဖြစ်လာတာလဲဒုက္ခ၊ ပျက်သွားတာကလဲ ဒုက္ခ၊ အဲ... ဒီကဲ့သို့ ဒုက္ခကို အဖြစ်လဲ မသာယာ၊ အပျက်လဲ မသာယာ၊ အဖြစ်ရော... (မသာယာပါဘုရား)။ အပျက်ရော...(မသာယာပါဘုရား)။
မသာယာပါဘူးတဲ့..။ ထိုကဲ့သို့ မသာယာတဲ့အခါကျတော့ ဖြစ်ပျက်ကို သာယာတဲ့ တဏှာကလည်း ချုပ်ပါရော ဖြစ်ပျက်လည်းချုပ်တာပဲ..။ (မှန်ပါ့ဘုရား)။ သာယာတဲ့ ဒိဋ္ဌိလဲ ချုပ်ပါရော...(ဖြစ်ပျက်လဲ ချုပ်တာပါ ဘုရား)။ ဖြစ်ပျက်လဲ ချုပ်သွားတာပဲ ဆိုတော့...
ဖြစ်ပျက်ချုပ်တာ နိဗ္ဗာန်၊ ချုပ်မှန်သိတာ မဂ်ဉာဏ်။
ဖြစ်ပျက်ချုပ်တာက ... (နိဗ္ဗာန်ပါဘုရား)၊ ချုပ်မှန်သိပြီဆိုတာက... (မဂ်ဉာဏ်ပါဘုရား)။
သြော်ဒါဖြင့် ဒကာကြွယ်တို့ ဒကာဦးလှဘူးတို့ ဒကာသစ်တို့ နိဗ္ဗာန် ဝေးသလား နီးသလား... (နီးပါတယ်ဘုရား)။ နီးလျှက် မရောက်တာ ဘာကြောင့်ပါလိမ့်မလဲလို့ မေးတော့ စောင့်ကြည့်တဲ့အလုပ်လဲ မလုပ်ဘူး.. (မှန်လှပါဘုရား)။ စောင့်ကြည့်တဲ့အလုပ်ကို... (မလုပ်ပါဘုရား)။
  ဒါကြောင့် ခင်ဗျားတို့သည် သံသရာထဲမှာ ငရဲအိုးတွေကလဲ ငရဲမီးတွေတောက်ပြီး တပွက်ပွက်ဆူနေတာဟာ ဒီခန္ဓာကြီးကို ခင်တွယ်တဲ့ တဏှာလောဘက မချုပ်တာတဲ့။  ဒကာ ဒကာမတို့ တဏှာကနေပြီး ငရဲအိုး ဖန်တီးနေတယ်... (မှန်ပါ့ဘုရား)။ ဒိဋ္ဌိကနေပြီး ငရဲအိုး ဖန်တီးနေတာ... (မှန်ပါ့ဘုရား)။ ဒါကြောင့် ခင်ဗျားတို့ကတော့ တရားနာလျှက် ဒုက္ခက မချုပ်တော့ကို နောက်တဏှာက ကျန်မနေဘူးလား... (ကျန်နေပါတယ်ဘုရား)။
 နောက်တဏှာကျန်တော့ တဏှာက ဘယ်ခန္ဓာလုပ်ရပါမလဲ ဆိုပြီး အချိုးကျ သူက စီမံနေတယ်... (မှန်လှပါဘုရား)။ အချိုးကျ စီမံပြီးသကာလ နေတော့ တဏှာက င၇ဲသွားတဲ့ တဏှာလဲ ရှိတယ်၊ သုဂတိသွားတဲ့ တဏှာလဲရှိတယ်... (မှန်လှပါဘုရား)။
အဲဒီကဲ့သို့ တဏှာက အမျိုးမျိုးအဖုံဖုံ စုတိစီမံလိုက်၊ ငရဲအိုးတွေ စီမံလိုက်ဆိုတာ တဏှာမချုပ်လို့ ဖြစ်ရတာ... (မှန်လှပါဘုရား)။ ဒိဋ္ဌိမချုပ်လို့ ... (ဖြစ်ရတာပါဘုရား)။ ၀ိစိကိစ္ဆာမချုပ်လို့ ... (ဖြစ်ရတာပါဘုရား)။ အခုတော့ဖြင့် ဒကာ ဒကာမတွေ စောင့်ကြည့် ဖြစ်ပျက်မြင်ရင် ယထာဘူတဉာဏ်၊ ဖြစ်ပျက်မုန်းရင် ... (နိဗ္ဗိန္ဒဉာဏ်ပါဘုရား)။
ဖြစ်ပျက်တွေများ ရှုရင်းမတ္တနဲ့ ဖြစ်ဒုက္ခ၊ ပျက်ဒုက္ခမှတစ်ပါး ဘာမှ မရှိဘူးလို့၊ လိုချင်စရာ ရချင်စရာ ဘာမှမရှိဘူးလို့ ဒီခန္ဓာကို ဆုံးဖြတ်ချက်ချလို့ရှိရင်လဲ အဲဒါ ဒုက္ခသစ္စာ ပိုင်းခြားသိတာပဲ... (မှန်လှပါဘုရား)။
ထိုကဲ့သို့ပိုင်းခြားသိလိုက်တဲ့ အခါကျလို့ရှိရင် ဒုက္ခတွေ ဒကာကြွယ် ဘာဖြစ်သွားသလဲ... (ချုပ်သွားပါတယ် ဘုရား)။ ဒုက္ခတွေ ဆုံးသွားတယ်...( မှန်လှပါဘုရား)။
ဒုက္ခဆုံးတာ...ဘာခေါ်ကြမယ်... (နိဗ္ဗာန် ပါဘုရား)။ ဆုံးပေါ့လို့ သိတာက ...(မဂ်ဉာဏ် ပါဘုရား)။
    သြော်... ဒါဖြင့် ဘုန်းကြီးတို့ ဒကာ ဒကာမတွေ နိဗ္ဗာန်သည် ခန္ဓာအဆုံးမှာ ရှိတယ်ဆိုတာ ယနေ့ တထစ်ချ မှတ်ဖို့ ... (မှန်ပါ့ဘုရား)။
နိဗ္ဗာန်သည် အထက်မှာရှိသလား၊ အောက်မှာရှိသလား၊ ဘေးမှာရှိသလား လို့မေးရင် ဘယ်နှယ်ဖြေကြမလဲ.. (ခန္ဓာ့အဆုံးမှာရှိပါတယ်ဘုရား)။
    အဲ... ခန္ဓာဆိုတာ ဖြစ်ပျက်ပဲ... (မှန်ပါ့ဘုရား)။ အဲဒီဖြစ်ပျက် အဆုံးမှာ နိဗ္ဗာန်ရှိတယ်ဆိုတာ ယနေ့ကစပြီး ဘုန်းကြီးတို့ ဒကာ ဒကာမတွေကြိုးစားလို့ရှိရင်ဖြင့်တဲ့.. အပါယ်လေးပါး တံခါးတွေတင်မဟုတ်ပါဘူး၊ ငရဲမီးငြိမ်း၍ ငရဲအိုးသိမ်းပါတယ် ဆိုတာကို ကိုယ့်ဉာဏ်က မဂ်ဉာဏ်ကနေ သိမ်းလိုက်တယ်လို့ ဆုံးဖြတ်ချက် ချလိုက်... (မှန်လှပါဘုရား)။
   ဘယ်သူက သိမ်းတာပါလိမ့်... (မဂ်ဉာဏ်က သိမ်းတာပါ ဘုရား)။ ဒကာကြွယ် ရှင်းပီလား.. (ရှင်းပါပြီဘုရား)။ သဘောပါပလား... (ပါ ပါတယ်ဘုရား)။ ဒါက အလုပ်စဉ်ကလေး ရှေ့ပိုင်းက ပြတာပါ...

မှတ်ချက်။    ။ အချို့နေရာများတွင် စကားလုံး နှစ်ခါထပ်နေသည်များရှိပါသည်။ အဆိုပါစကားများသည် ဆရာတော်ကြီးက လေးနက်စေလို၍ အရေးကြီး၍ မှတ်မိစေရန် နှစ်ခါပြောခြင်းဖြစ်ပါသည်။

1 Comments:

At January 18, 2010 at 8:21 AM , Anonymous ဝက်ဝံလေး said...

ဝိပဿနာဆိုတာ ခန္ဓာကိုယ်ကို စောင့်ကြည့်တာတဲ့ အတ္တရေ ဖတ်သွားတယ်နော်

 

Post a Comment

Subscribe to Post Comments [Atom]

<< Home