Thursday, November 26, 2009

သဲဖြစ်သွားသောယောင်္ကျားများ

ဟိုတုန်းက ရွာတစ်ရွာမှာ အဖိုးကြီးနဲ့ အဖွားကြီး အမြဲတမ်း စကားနိုင်ပြောလေ့ရှိသတဲ့။ တနေ့တော့ -
အဖွားကြီးက ရှင်တို့ယောက်ျားတွေက အသုံးမကျဘူး။ မလိမ္မာကြဘူး၊ ဒါကြောင့် နတ်ပြည်မှာ နတ်သမီး တွေပဲ များတာ။ အဲဒါကြောင့် နတ်သမီးတစ်ထောင်ကျော်မှ နတ်သားက တစ်ယောက်ပဲရှိတာ။
ဒီတော့ အဖိုးကြီးလည်း ပြန်ချေပမယ့်စကား ရှာမရတာနဲ့ ရွာဦးကျောင်းဘုန်းကြီးဆီး ပြေးပီး အကူအညီတောင်းတာပေါ့။ ဘုန်းကြီးကလည်း သူကိုယ်တိုင် ယောက်ျားဖြစ်နေတော့ မခံနိုင်ဖြစ်ပြီး အကြံထုတ်ရတော့တာပေါ့။ တအောင့်လောက်ကြာမှ ဘုန်းကြီးအကြံရပြီး ဒကာကြီးကိုပြောပါတယ်။
"တို့ယောက်ျား တွေက နတ်ပြည်မှာ နည်းမှာပေါ့၊ ဂင်္ဂါမြစ်ထဲက သဲပွင့်နဲ့ အမျှ ပွင့်ခဲ့တဲ့ ဘုရားတွေက တို့ယောင်္ကျားတွေလေ၊ ယောင်္ကျားတွေက ဘုရားဖြစ်ကုန်လို့ နတ်ပြည်မှာ နည်းတာ"
အဲလိုပြောဖို့ သင်လိုက်သတဲ့။  အဖိုးကြီးလည်း ၀မ်းသာအားရနဲ့ အဖွားကြီးကို ပြောဖို့ အိမ်ကို ပြန်ပြေးလာပါတယ်။ အပြေးတပိုင်းလာတဲ့အဖိုးကြီးဟာ လမ်းခုလတ်မှာ ခလုပ်တိုက်လဲသွားပါတယ်။ ဘုန်းကြီးသင်ပေးလိုက်တဲ့ စကားကို အစီအစဉ်အတိုင်း မမှတ်မိလို့ ပြန်စဉ်းစားပြီး အဖွားကြီးကို အောက်ပါအတိုင်းပြောလိုက်ပါတော့တယ်။
"အဖွားကြီး ၊နတ်ပြည်မှာ တို့ယောက်ျားတွေနည်းမှာပေါ့ကွ၊ အားလုံး ဂင်္ဂါမြစ်ထဲမှာ သဲတွေဖြစ်ကုန်တယ်လေ"
ဟူသတည်း ။

2 Comments:

At November 27, 2009 at 10:53 AM , Blogger ဝက်ဝံလေး said...

ဟဟဟ ဘယ်က ဟာသတုံး ငါမသိရပါလား ကွယ်ရို့ရယ် ဟဟဟဟဟဟ

 
At November 27, 2009 at 1:32 PM , Blogger Unknown said...

ရယ်မောသွားပါတယ်ရှင်

 

Post a Comment

Subscribe to Post Comments [Atom]

<< Home