Sunday, October 24, 2010

ဉာဏ်စဉ်

လောကုတ္တရာဉာဏ်စဉ်(၁၆)ပါး
၁။ နာမရူပပရိစ္ဆေဒဉာဏ်    -ဤကားနာမ်၊ ဤကားရုပ် ခွဲခြားသိသောဉာဏ်

၂။ ပစ္စယပရိဂ္ဂဟဉာဏ်        -နာမ်ဖြစ်ပေါ်ခြင်းအကြောင်းတရား၊ ရုပ်ဖြစ်ပေါ်ခြင်းအကြောင်းတရားတို့ကို                     သိမ်းကျုံးစုစည်းသိမြင်နိုင်သောဉာဏ်၊   

၃။ သမ္မသနဉာဏ်        -ရုပ်သဘော၊နာမ်သဘောတို့ကို လေ့လာသုံးသပ်သောဉာဏ်၊

၎။ ဥဒယဗ္ဗယဉာဏ်        -ရုပ်နာမ်အဖြစ်အပျက်တို့ကိုသိမြင်သောဉာဏ်၊

၅။ ဘင်္ဂဉာဏ်            -ရုပ်နာမ်နှစ်ပါးတို့၏(အဖြစ်ကိုမမီလိုက်ပဲ)အပျက်ကိုသာမိလိုက်၍သိမြင်နိုင်                     သောဉာဏ်

၆။ ဘယဉာဏ်            -ရုပ်နာမ်နှစ်ပါးတို့၏အဖြစ်အပျက်ကို ဘေး ဟူ၍ရှုမြင်သောဉာဏ်

၇။ အာဒီန၀ဉာဏ်        -ထို ဘေး ကိုအပြစ်ဟူ၍ရှုမြင်သောဉာဏ်

၈။ နိဗ္ဗိန္ဒဉာဏ်            -ရုပ်နာမ်နှစ်ပါးတို့၏အဖြစ်အပျက်တွေအပေါ်ငြီးငွေ့ လာသောဉာဏ်

၉။ မုစ္စိတုကမျတာဉာဏ်        -ဖြစ်ပျက်ဒုက္ခသစ္စာကြီးမှ လွတ်မြောက်လိုသောဉာဏ်

၁၀။ ပဋိသင်္ခါဉာဏ်        -ထိုဒုက္ခတို့မှလွတ်မြောက်ရာလွတ်မြောက်ကြောင်းကို ဆင်ခြင်သောဉာဏ်

၁၁။ သင်္ခါရုပက္ခာဉာဏ်        -သင်္ခါရတရားတွေချည်း(အဖြစ်အပျက်တွေချည်း) ရှုမြင်နေသောဉာဏ်

၁၂။ အနုလောမဉာဏ်        -မဂ်ဖိုလ်နိဗ္ဗာန်အား ရဖို့အလျှော်ဖြစ်သောဉာဏ်

၁၃။ ဂေါတြဘဉာဏ်        -ပုထုဇဉ်အနွယ်ကိုဖြတ်၍အရိယာအနွယ်ကို ဖြစ်စေတတ်သောဉာဏ်

၁၄။ မဂ်ဉာဏ်            -နိဗ္ဗာန်ကိုမြင်သောဉာဏ်

၁၅။ ဖိုလ်ဉာဏ်            -နိဗ္ဗာန်ကိုပင်မြင်သောဉာဏ်

၁၆။ ပစ္စဝေက္ခဏဉာဏ်        -ရခဲ့ပြီးသောတရားတို့ကိုပြန်လည်ဆင်ခြင်သောဉာဏ်
    ၄င်း(၁၆)ပါးတွင် အမှတ်(၁)မှ(၁၂)အထိ လောကီပိုင်းဆိုင်ရာဉာဏ်ဖြစ်သည်။ အမှတ်(၁၃)မှ(၁၆)အထိ လောကုတ္တရာပိုင်းဖြစ်သည်။

            ၀ိပဿနာဉာဏ်စဉ်(၁၀)ပါး
        ၀ိပဿနာရှုဉာဏ်ဆိုင်ရာဥာဏ်စဉ်(၁၀)ပါး
    ၁။ သမ္မသနဉာဏ်       
    ၂။ ဥဒယဗ္ဗယဉာဏ်       
    ၃။ ဘင်္ဂဉာဏ်           
    ၄။ ဘယဉာဏ်           
    ၅။ အာဒီန၀ဉာဏ်
    ၆။ နိဗ္ဗိန္ဒဉာဏ်
    ၇။ မုစ္စိတုကမျတာဉာဏ်
    ၈။ ပဋိသင်္ခါဉာဏ်
    ၉။ သင်္ခါရုပက္ခာဉာဏ်
    ၁၀။ အနုလောမဉာဏ် တို့ဖြစ်ကြသည်။

    ဖြစ်ပျက်မြင်၊ ဖြစ်ပျက်မုန်း၊ ဖြစ်ပျက်ဆုံး
    ဤသို့ဉာဏ်စဉ်တွေရှိကြသော်လည်း မိုးကုတ်ဆရာတော်ကြီးကမူ အကုန်ထုတ်ဖော်ဟောမိန့်လေ့မရှိ၊
ယောဂီတို့ဉာဏ်မှာရှုပ်ထွေးကုန်မှာစိုးသည်။ ထို့ကြောင့်အရေးကြီးတဲ့ဉာဏ်(၃)မျိုးလောက်သာဟော၏။

၁။ ဥဒယဗ္ဗယဉာဏ်    -ရုပ်နာမ်တို့၏အဖြစ်အပျက်ကိုမြင်သောဉာဏ်

၂။ နိဗ္ဗိန္ဒဉာဏ်        -အဖြစ်အပျက်တို့အပေါ်မှာ မတွယ်တာမုန်းလာသောဉာဏ်

၃။ မဂ်ဉာဏ်        -အဖြစ်အပျက်တို့ရဲ့အဆုံး(အဖြစ်အပျက်တွေမရှိရာနိဗ္ဗာန်)ကိုမြင်သောဉာဏ်

အတိုချုပ်အားဖြင့် ဖြစ်ပျက်မြင်၊ ဖြစ်ပျက်မုန်း၊ ဖြစ်ပျက်ဆုံး တို့ဖြစ်သည်။

No comments:

Post a Comment