စရိုက်

စရိုက်ဆိုသည်မှာ ပင်ကိုယ်ရိုးရာ သူတကာဖြစ်နေကျထက် လွန်လွန်ကဲကဲ ဖြစ်တတ်သည်ကိုခေါ်ပါသည်။
စရိုက် (၆)ပါး
   စရိုတ်သည် (၆)ပါး အပြားရှိသည်။
၁။ ရာဂစရိုက်
    ၀တ္ထုကာမ၊ ကိလေသာကာမတို့၌ လွန်ကဲစွာ ကပ်ငြိတတ်သောအကျင့်၊
၂။ ဒေါသစရိုက်
    အာဃာတ၊ ဣသာ၊ ပစ္ဆရိယ စသည်တို့၌ လွန်ကဲသည့်အကျင့်၊
၃။ မောဟစရိုက်
    ထိုင်းမှိုင်းတွေဝေခြင်း လွန်ကဲသည့်အကျင့်၊
၎။ သဒ္ဓါစရိုတ်
    ယုံကြည်လွယ်လေ့ရှိသောစရိုတ်၊
၅။ ၀ိတက်စရိုက်
    စိတ်ကူးယဉ်တတ်သောအကျင့်၊
၆။ ပညာစရိုက်
    အရာရာ၌ အကြောင်းအကျိုး အကောင်းအဆိုးတို့ကို ဆင်ခြင်တတ်သောအကျင့်၊

မိမိစရိုက်ကို ဆန်းစစ်ရန်လိုအပ်ခြင်း

      လူတစ်ဦးတစ်ယောက်၏ စရိုက်ကို ဆန်းစစ်ရန်မှာ ထိုသူ၏ အသွားအလာ၊ အနေအထိုင်၊ အပြောအဆို၊ ဣရိယာပုထ်ကိုလည်းကောင်း၊ လုပ်မှုကိုင်မှုကိစ္စ၊ စားသောက်မှုဘောဇဉ်၊  ကြည့်ခြင်း ဒဿန စသည်တို့ကို  ကြည့်ရှုအကဲခတ်ခြင်းဖြင့်လည်းကောင်း သိနိုင်သည်။
      ထိုးစရိုက် (၆)ပါးတို့တွင် ရာဂနှင့် သဒ္ဓါ၊ ဒေါသနှင့်ပညာ၊ မောဟနှင့်ဝိတက် စရိုက်တို့သည် သဘောအားဖြင့် တူသလိုလိုရှိတတ်သည်။
    ရာဂနှင့်သဒ္ဓါစရိုက်ရှိသောသူသည် ပကတိသွားမြဲ သွားသည်ရှိသော် ယဉ်ယဉ်ကျေးကျေး တင့်တင့်တယ်တယ်ရှိသည်၊ ဖြည်းဖြည်းသာ ခြေကိုချသည်၊ ညီညီကြွသည်၊ လုပ်မှုကိုင်မှု ယဉ်ကျေးသေသပ်သည်။ အချိုအဆိမ့် စားသောက်ဖွယ်တို့နှင့် အမွှေးအကြိုင်တို့ကို ကြို့နှစ်သက်တတ်သည်။
        ရာဂစရိုက်ရှိသောသူသည် ကာမဂုဏ်အာရုံများကို စွဲမက်တတ်သည်၊ ပရိယာယ်မာယာ အလိမ်အကောက်များသည်၊ မာနကြီးသည်၊ လိုချင်လောဘများသည်၊
        သဒ္ဓါစရိုက်ရှိသူသည် စွန့်ကြဲပေးကမ်း လှူဒါန်းလေ့ရှိသည်၊ ဘုရားကိုပူဇော်ခြင်း၊ တရားတော်ကို နာယူခြင်း၊ သံဃာတော်များကို ၀ပ်တွားဆည်းကပ် အလေးအမြတ်ပြုခြင်းတို့ကို ပြုလုပ်လေ့ရှိသည်။
        ဒေါသနှင့်ပညာစရိုက်ရှိသောသူသည် အသွားအလာ၊ အနေအထိုင်၊ အပြောအဆို ကြမ်းကြမ်းတမ်းတမ်း ကတိုက်ကရိုက်ရှိရှိသည်၊ လုပ်မှု၊ ကိုင်မှုတို့၌ ယဉ်ကျေးသေသပ်ခြင်း မရှိလှ၊ အချဉ်၊ အငန်၊ အစပ်၊ အခါး စူးရှသော အစာအာဟာရတို့ကို ကြိုက်နှစ်သက်တတ်သည်။ မကောင်းသော အဆင်း၊ အသံစသည်တို့နှင့်ကြုံတွေ့သောအခါ သည်းခံချုပ်တည်းနိုင်ခြင်းမရှိဘဲ ဆဲဆိုငေါက်ငမ်း ကြမ်းတမ်း စိတ်တိုလွယ်သည်။
       ဒေါသစရိုက်ရှိသောသူသည် ရန်ငြိုးဖွဲ့မှု၊ ငြူစူမှု၊ သူတပါးဂုဏ်ကို ဖျက်ဆီးလိုမှု၊ ဂုဏ်တုဂုဏ်ပြိုင်ပြလိုမှု၊ အဆုံးအမခက်ခဲမှုတို့ ဖြစ်လေ့ရှိသည်။
         ပညာစရိုက်ရှိသောသူသည် စားသောက်ဖွယ်တို့၌ နှိုင်းနှိုင်းချိန်ချိန် စားသောက်လေ့ရှိသည်။ သံသရာ နောင်ရေးကို သတိပညာဖြင့် ကောင်းစွာမြော်မြင်လေ့ရှိရကား ဂတိကောင်း၍ ထက်ထက်မြက်မြက်ရှိအောင် ပါရမီကုသိုလ်များကို လုံ့လသန်သန်ဖြင့် မှန်မှန်ကြိုးစားလေ့ရှိသည်။
      မောဟနှင့် ၀ိတက်စရိုက်ရှိသောသူသည် ယမ်းဖယ်ယမ်းဖယ် သွားလေ့ရှိသည်။ ကြောက်ရွံ့လျှက် ခြေကိုချသည်၊ ကြွသည်၊ မေ့မေ့လျော့လျော့ရှိသည်။ လုပ်ငန်းကိစ္စ ရှုပ်ရှုပ်ထွေးထွေး ပွေပွေလိမ်လိမ်ရှိသည်။ စားသောက်မှု၌လည်း ဘယ်အစားအစာကို ကြိုက်နှစ်သက်တတ်သည်ဟူ၍မရှိ  မိမိအစွမ်းဖြင့် မည်မည်ရရ ပြောလောက်ဆိုလောက်အောင် ပြီးမြောက်သည်ဟူ၍ မရှိတတ်၊ အကြောင်းအကျိုး အကောင်းအဆိုးကို နှိုင်းချိန်ခွဲခြား၍ မသိတတ်၊ အရပ်ရပ်ကိစ္စမှာ သူတကာ၏နောက်လိုက်သာ ဖြစ်ရသည်။ သူများချီးမွမ်းသည်ကို နောက်ကလိုက်၍ ချီးမွမ်းတတ်သည်။ သူများကဲ့ရဲ့သည်ကိုလည်း နောက်ကလိုက်၍ ကဲ့ရဲ့တတ်သည်၊ သတိပညာကင်းလျက် ထိုင်းမှိုင်းခြင်း၊ ပျံ့လွင့်ခြင်းတို့နှင့်သာ အချိန်ကုန်လွန်စေသည်။ ထိုစရိုက်နှစ်ပါးသည် ထူးမခြားနားဖြစ်၍ ထိုထို အမှုကိစ္စ၌ စကားတွေပေါလျက် ကိစ္စမချောပဲ မျော၍သာနေတတ်သည်။ လူပေါ်ကျော့၊ လူလေ၊ လူလွင့်တို့နှင့်ပျော်မွေ့ကာ အကြံများလျက် အလကားလူပို တွေသာဖြစ်တတ်သည်။

စရိုက်အလိုက်နှလုံးသွေးဖြစ်တတ်ပုံ

         ရာဂစရိုက်ရှိသောသူသည် နှလုံးသွေးနီသည်။
         ဒေါသစရိုက်ရှိသောသူသည် နှလုံးသွေးညိုသည်။
         မောဟစရိုက်ရှိသောသူသည် အမဲသားဆေးသော ရေလောက်သာ နှလုံးသွေးရောက်ဖျော့သည်။
         သဒ္ဓါစရိုက်ရှိသောသူသည် နှလုံးသွေးဝါသည်။
         ပညာစရိုက်ရှိသောသူသည် ပတ္တမြားကြောင်မျက်ရွဲကဲ့သို့ နှလုံးသွေးပြိုးပြိုးပြက်ပြက်ရှိသည်။ ဖြူသည်။
         ၀ိတက်စရိုက်ရှိသောသူသည် ပဲပြုတ်ရေ အဆင်းကဲ့သို့ နှလုံးသွေးရောင်ရှိသည်။
ထိုစရိုက်တို့ဖြစ်ရခြင်းမှာ ရှေးကံအကြောင်း မကင်းပေ၊ ရှေးဘ၀က ကုသိုလ်ကောင်းမှုပြုလုပ်သောအခါ -
လောဘခြံရံ၍ ပြုလုပ်ခဲ့လျှင် လောဘစရိုက် ရှိတတ်သည်၊
ဒေါသခြံရံ၍ ပြုလုပ်ခဲ့လျှင် ဒေါသစရိုက်ရှိတတ်သည်။
မောဟခြံရံ၍ ပြုလုပ်ခဲ့လျှင် မောဟစရိုက်ရှိတတ်သည်။
သဒ္ဓါတရားခြံရံ၍ ပြုလုပ်ခဲ့လျှင် သဒ္ဓါစရိုက်ရှိတတ်သည်။
သတိ  ပညာခြံ၇ံ၍ ပြုလုပ်ခဲ့လျှင် ပညာစရိုက်ရှိတတ်သည်။
မကောင်းသောအကြံအစည် ထွေထွေလာလာဖြင့်ပြုလုပ်ခဲ့လျှင် ၀ိတက်စရိုက်ရှိတတ်သည်။
         ထို့ကြောင့် နောင်အနာဂတ်ဘ၀တို့၌ စရိုက်ဆိုးများ မဖြစ်ရအောင် ကုသိုလ်ကောင်းမှု ပြုလုပ်သောအခါမှာ သတိ ပညာတို့ဖြင့် ခြံရံ၍ပြုလုပ်ကြရမည်ဖြစ်သည်။ သို့မှသာ နောင်ဖြစ်လတ္တံ့သော ဘ၀တို့၌ စရိုက်ကောင်းများ ဖြစ်နိုင်၍ ကောင်းမှုကုသိုလ်တိုးပွားပေမည်။

စရိုက်(၆)ပါးနှင့် သင့်လျှော်သော ကမ္မဋ္ဌာန်း

၁။ ရာဂစရိုက်ရှိသောသူသည် အသုဘ (၁၀)ပါး၊ ကာယဂတာသတိ ဤ ၁၁-ပါးသောကမ္မဋ္ဌာန်းတို့နှင့် သင့်လျော်ပေသည်။
၂။ ဒေါသစရိုက်ရှိသောသူသည် မေတ္တာ၊ ကရုဏာ၊ မုဒိတာ၊ ဥပေက္ခာဟူသော အပ္ပမညာ(ဗြဟ္မစိုရ်) ၄-ပါး၊ နီလ၊ ပီတ၊ လောဟိတ၊ သြဒါတ ဟုဆိုအပ်သော ၀ဏ္ဏကသိုဏ်း ၄-ပါး၊ ဤ ၈-ပါးသော ကမ္မဋ္ဌာန်းတို့နှင့် သင့်လျော်သည်။
၃။ မောဟနှင့် ၀ိတက်စရိုက်ရှိသောသူသည် ထွက်လေ၀င်လေကို နှာသီးဖျား၌ ရှုမှတ်သော အာနာပါနဿတိကမ္မဋ္ဌာန်းနှင့် သင့်လျော်သည်။
၎။ သဒ္ဓါစရိုက်ရှိသောသူသည် ဗုဒ္ဓါနုဿတိ၊ ဓမ္မာနုဿတိ၊ သံဃာနုဿတိ၊ သီလာနုဿတိ၊ စာဂါနုဿတိ၊ ဒေ၀နုဿတိ၊ ဤ ၆-ပါးသော ကမ္မဋ္ဌာန်းတို့နှင့် သင့်လျော်သည်။
၅။ ပညာစရိုက်ရှိသောသူသည် မရဏာနုဿတိ၊ ဥပသမာနုဿတိ(နိဗ္ဗာန်ကိုအာရုံပြုခြင်း)၊ စတုဓာတု၀၀တ္ထာန်(ဓာတ်ကြီးလေးပါးရှုမှတ်ခြင်း)၊ အာဟာရေပဋိကူလသညာ၊ ဤလေးပါးသော ကမ္မဋ္ဌာန်းတို့နှင့် သင့်လျော်ပါသည်။
          ထိုသို့ အထက်ပါ ကမ္မဋ္ဌာန်း (၃၀)မှ ကျန်သော ပထ၀ီ၊ အာပေါ၊ တေဇော၊ ၀ါယော၊ အာကာသ၊ အာလောက ဟုဆိုအပ်သော ကသိုဏ်း ၆-ပါး၊ အာရုပ္ပ ၄-ပါး၊ ဤ ၁၀-ပါးတို့သည် အလုံးစုံသော စရိုက်တို့နှင့် သင့်လျော်သည်။
       ကသိုဏ်းတို့တွင် သေးငယ်သော ကသိုဏ်းဝန်းတို့သည် ၀ိတက်စရိုက်ရှိသူအား သင့်လျော်သည်။
      ကြီးသော ကသိုဏ်းဝန်းတို့သည် မောဟစရိုက်ရှိသူအား သင့်လျော်သည်။
       ရာဂ ကိုပယ်ခြင်းငှာ အသုဘကမ္မဋ္ဌာန်းကို ပွားအပ်သည်။
       ဒေါသကို ပယ်ခြင်းငှာ မေတ္တာကို ပွားအပ်သည်။
       ၀ိတက်(တောင်တောင်အီအီကြံစည်နေခြင်း)ကိုပယ်ခြင်းငှာ အာနာပါနဿတိ ကိုပွားအပ်သည်။
       မာနကို ပယ်ခြင်းငှာ အနိစ္စသညာကို ပွားအပ်သည်။
ထို့ကြောင့် ကမ္မဋ္ဌာန်းအားထုတ်သူတို့သည် အထက်ပါပြဆိုချက်များကိုဖတ်ရှုပြီး မိမိစရိုက်ကို ဆန်းစစ်ပြီး မိမိစရိုက်နှင့် သင့်လျော်သော ကမ္မဋ္ဌာန်းကို ရှုမှတ်ပွားများပါက တရားရလွယ်သောကြောင့် ကျေးဇူးများကြပါစေသောဝ်....။