Thursday, June 28, 2012

အာဟာရ

သတ္တ၀ါတို့ သူတို့ရရှိထားတဲ့ ခန္ဓာတည်တံ့ ဆက်လက်အသက်ရှင်သန်စေ၇န်အတွက် အားကြီးတဲ့ အထောက်အပံ့အဖြစ် အာဟာရလိုအပ်ပါတယ်။ အာဟာရမရှိရင် ဆက်လက်ရှင်သန်ဖို့ မဖြစ်နိုင်ပါဘူး။ ဒါကြောင့် ဘုရားက ပဋ္ဌာန်းမှာ ဥပနိဿယပစ္စယော လို့ဟောကြားခဲ့တာပါ။
အာဟာရက လေးမျိုးရှိပါတယ်။
၁။ ကဗဠီကာဟာရ
၂။ ဖဿဟာရ
၃။ မနောသဉ္စေတနာဟာရ
၎။ ၀ိညာဏာဟာရ
တို့ဖြစ်ကြပါတယ်။
၁။ ကဗဠီကာဟာရ ဆိုတာကတော့ အလုပ်အလွေးပြု၍ မျိုစားရသောအာဟာရများကိုခေါ်ပါတယ်။
 - နေ့စဉ်စားသုံးနေရတဲ့ အစားအသောက်များပဲဖြစ်ပါတယ်။

၂။ ဖဿဟာရ ဆိုတာက အတွေ့အထိနဲ့ အဟာဖြစ်တာကိုပြောတာပါ။
- ကြက်ဥတွေဟာ မိခင်ကြက်မကြီးရဲ့ကိုယ်ငွေ့ကိုထိတွေ့ပြီး အဟာရဖြစ်ကာပေါက်ဖွားကြရပါတယ်။

၃။ မနောသဉ္စေတနာဟာရ ကတော့ အဝေးကနေ စိတ်နဲ့ ပို့တဲ့အာဟာရဖြစ်ပါတယ်။
- လိပ်မတွေဟာ သူတို့ဥတွေကို သဲသောင်ပြင်မျာ ဥ ဥချပြီး ပင်လယ်ထဲဆင်းသွားပါတယ်။ ဒါပေမယ့် သူတို့က သူတို့ဥတွေရှိတဲ့နေရာကို ရည်စူးပြီး မေတ္တာပို့ပါတယ်တဲ့။ အဲလိုပို့မှ လိပ်ကလေးတွေအကောင် ပေါက်ပါတယ်။ အကယ်၍ လိပ်မကြီးသေသွားလျှင်သော်၎င်း၊ လိပ်ဥတွေကို နေရာပြောင်းခဲ့လျှင်သော်၎င်း အဲဒီလိပ်ဥတွေက မပေါက်တော့ပါဘူး အားလုံးပျက်စီးသွားပါတယ်။ လိပ်မကြီးသေသွားတော့ မေတ္တာပို့မယ်သူမရှိလို့ လိပ်ကလေးတွေမပေါက်တော့ပါဘူး၊ နောက်ဥတွေကို နေရာရွေ့ရင်လည်း မိခင်လိပ်မကြီးပို့တဲနေရာ လွဲလို့လိပ်ကလေးတွေ အကောင်မပေါက်ပါဘူးလို့ ဆိုပါတယ်။

၎။ ၀ိညာဏာဟာရကတော့ စိတ်အာဟာရဖြစ်ပါတယ်။
- ဗြဟ္မာများဟာ ၀ိညာဏာဟာရဖြစ်တဲ့ ပီတိကို စားသုံးပြီးတော့ အာဟာရဖြစ်ကာ ကမ္ဘာပေါင်းများစွာ အသက်ရှင်နေထိုင်နိုင်ကြပါတယ်။

     နံပါတ် ၁။ ကဗဠီကာဟာရတစ်မျိုးတည်းပဲ ကျွန်တော်တို့ လက်တွေ့မြင်နိုင်သိနိုင် ပါတယ်။ ကျန်သုံးခုကတော့ နာမ်အာဟာရတွေဖြစ်လို့ သာမန်ဉာဏ်နဲ့နားလည်လက်ခံဖို့ခက်ခဲပါလိမ့်မယ်။ ဘုရားဟော စာပေများကိုလေ့လာဖတ်ရှု နားလည်ပြီး လက်တွေ့စမ်းသပ်ကြည့်ရင်တော့ သိနိုင်ပါလိမ့်မယ်။

အားလုံး လိုအင် အာဟာရများ ပြည့်ဝကြပါစေ...

3 Comments:

At June 28, 2012 at 6:07 AM , Blogger Mary Grace said...

Hi your blogs looks so impormative and interesting.would you come and visit us back too
http://motors.com.mm/?utm_campaign=mot_mm_lb_blog_mgesc&utm_source=mot_lb_blog&utm_medium=lb_blog

 
At July 25, 2012 at 8:08 AM , Blogger စံပယ်ဖြူ said...

ကျေးဇူးအရမ်းတင်ပါတယ်။
သာဓုပါ။

 
At March 10, 2013 at 12:36 PM , Blogger Unknown said...

thank


 

Post a Comment

Subscribe to Post Comments [Atom]

<< Home