Friday, April 6, 2012

စေတသိက်

 စေတသိက်ဆိုသည်မှာ စိတ်ကိုမှီတွယ်၍ စိတ်ကို ခြယ်လှယ်သော သဘောတရားကို စေတသိက်ဟုခေါ်ပါသည်။
စေတသိက်စုစုပေါင်း(၅၂)မျိုးရှိပါသည်။ စိတ်တစ်ခုဖြစ်တိုင်းဖြစ်တိုင်း စေတသိက်အနည်းဆုံး (၇)မျိုးယှဉ် ပြီး အများဆုံး (၃၇)မျိုးထိယှဉ်နိုင်ပါသည်။  စိတ်တစ်ခုဖြစ်လျှင် စေတသိက်(၅၂)မျိုးလုံးမယှဉ်နိုင်ပါ။ ဆိုင်ရာဆိုင်ရာ စေတသိက်များသာလျှင်ယှဉ်ဖြစ်ပါသည်။

 စေတသိက်တို့၏ အင်္ဂါလေးရပ်ရှိပါသည်။
(၁) ဧကုပ္ပါဒ    = စိတ်နှင့်အတူဖြစ်ခြင်း၊
(၂) ဧကနိရောဓ = စိတ်နှင့်အတူချုပ်ခြင်း၊
(၃) ဧကာလမ္ဗန  = စိတ်နှင့် တူသောအာရုံရှိခြင်း၊
(၄) ဧက၀တ္ထုက  = စိတ်နှင့် တူသောမှီရာဝတ္ထုရှိခြင်း၊
          တို့ဖြစ်ပါသည်။

 (က) စိတ်အားလုံးနှင့်ယှဉ်ဖြစ်နိုင်သော စေတိသိက်(၇)မျိုး
၁။ ဖဿ = အာရုံကိုတွေ့ထိခြင်းသဘော၊
၂။ ဝေဒနာ  = အာရုံ၏ အရသာကိုခံစားခြင်းသဘော၊
၃။ သညာ       = အာရုံကို မှတ်သားခြင်းသဘော၊
၎။ စေတနာ     =  ယှဉ်ဖက် စိတ်စေတသိက်တို့ကို ဆိုင်ရာကိစ္စတို့၌ ဆောင်ရွက်ကြရန် 
                        စေ့ဆော်တိုက်တွန်းခြင်းသဘော၊
၅။ ဧကဂ္ဂတာ    = တစ်ခုတည်းသော အာရုံ၌ တည်တံ့ခြင်း၊ တည်ကြည်ခြင်းသဘော၊
၆။ ဇီဝိတိနြေ္ဒ   = ယှဉ်ဖက် စိတ်၊ စေတသိတ်တရားတို့ကို သက်တမ်းပြည့်တည်တံအောင် 
                        စောင့်ထိန်းခြင်းသဘော၊
၇။ မနိကာရ    = အာရုံကိုနှလုံးသွင်းခြင်းသဘော၊

(ခ) ကုသိုလ်၊ အကုသိုလ် စိတ်နှစ်မျိုးလုံးနှင့် ရောထွေးယှဉ်နိုင်သော စေတသိက်(၆)မျိုး

၈။ ၀ိတက်    = ယှဉ်ဖက် စိတ်၊ စေတသိက်တရားတို့ကို အာရုံသို့တင်ပေးခြင်းသဘော၊
၉။ ၀ိစာရ       = အာရုံကိုသုံးသပ်ခြင်း၊ (ထပ်၍ ထပ်၍ယူခြင်း) သဘော၊
၁၀။ အဓိမောက္ခ  = အာရုံကိုဆုံးဖြတ်ခြင်းသဘော၊
၁၁။ ၀ီရိယ         = ယှဉ်ဖက်တရားတို့ကို မဆုတ်နစ်အောင် အားထုတ်ခြင်းသဘော၊
၁၂။ ပီတိ           = အာရုံကိုနှစ်သက်ခြင်းသဘော၊
၁၃။ ဆန္ဒ          =  အာရုံကို လိုချင်တောင့်တခြင်းသဘော၊

(ဃ) အကုသိုလ်မောဟ စေတသိက်(၄)မျိုး
 ၁၄။ မောဟ       = အာရုံ၏သဘောအမှန်ကိုမသိခြင်း၊ ဖုံးကွယ်ခြင်းသဘော၊
၁၅။ အဟိရိက     = ဒုစရိုက်မကောင်းမှုကို ပြုလုပ်ရန် မရှက်ခြင်းသဘော၊
၁၆။ အနောတ္တပ   = ဒုစရိုက်မကောင်းမှုကို ပြုလုပ်ရန် မကြောက်လန့်ခြင်း သဘော၊
၁၇။ ဥဒ္ဓစ္စ            = အာရုံပေါ်၌ စိတ်မငြိမ်သက်ခြင်းသဘော၊ ပျံ့လွင့်ခြင်းသဘော၊

(င) အကုသိုလ်လောဘ စေတသိက်(၃)မျိုး
 ၁၈။ လောဘ        = ကာဂုဏ်အာရုံကိုကပ်ငြိတပ်မက်ခြင်းသဘော၊ လိုချင်ခြင်းသဘော၊ 
၁၉။ ဒိဋ္ဌိ               = လွဲမှားစွာ မြင်ခြင်း၊ ယူုဆခြင်းသဘော၊ အယူမှား၊
၂၀။ မာန             = ထောင်လွှားဝံ့ကြွားခြင်းသဘော၊ 

(စ) အကုသိုလ်ဒေါသ စေတသိက်(၄)မျိုး
 ၂၁။ ဒေါသ        = ခက်ထန်ကြမ်းတမ်းခြင်းသဘော၊
၂၂။ ဣဿာ      = သူတစ်ပါး၏စည်းစိမ်ချမ်းသာခြင်းကို ငြူစူခြင်း၊ မနာလိုခြင်းသဘော၊ 
၂၃။ မစ္ဆရိယ       = မိမိ၏စည်းစိမ်ချမ်းသာကို လျှို့ဝှက်ခြင်းသဘော၊ ၀န်တိုခြင်း၊ နှမြောခြင်းသဘော၊
၂၄။ ကုက္ကုစ္စ        = နောင်တ တစ်ဖန်ပူပန်ခြင်းသဘော၊

(ဆ) အကုသိုလ် စေတသိက်(၃)မျိုး
 ၂၅။ ထိန           = စိတ်လေးလံထိုင်းမှိုင်းခြင်းသဘော၊ စိတ်မခံ့ခြင်းသဘော၊ 
၂၆။ မိဒ္ဓ             = စေတသိက်တို့၏အမှု၌ လေးလံထိုင်းမှိုင်းခြင်း၊ မခံ့ခြင်းသဘော၊
၂၇။ ၀ိစိကိစ္ဆာ       = ယုံမှားသံသယဖြစ်ခြင်းသဘော၊

(ဇ) တင့်တယ်သောကုသိုလ် စေတသိက်(၁၉)မျိုး
၂၈။ သဒ္ဓါ          = ယုံကြည်ခြင်း၊ ကြည်လင်ခြင်းသဘော၊
၂၉။ သတိ         = အောက်မေ့ခြင်းသဘော၊
၃၀။ ဟိရီ          = မကောင်းမှုဒုစရိုက်ကို ရှက်ခြင်းသဘော၊မုန်းခြင်းသဘော၊
၃၁။ သြတ္တပ္ပ       = မကောင်းမှုဒုစရိုက်ကို ကြောက်လန့်ခြင်းသဘော၊
၃၂။ အလောဘ  = မလိုချင်ခြင်းသဘော၊ 
၃၃။ အဒေါသ    = မကြမ်းတမ်း၊ မခက်ထန်ခြင်းသဘော၊(မေတ္တာ)
၃၄။ တတြမဇ္ဈတ္တတာ =ယှဉ်ဖက်တရားတို့အားဆိုင်ရာကိစ္စတို့ကိုမယုတ်မလွန်မျှတစွာ ဆောင်ရွက်
                              ကြရန် တည့်မတ် ထိန်းသိမ်းပေးခြင်းသဘော (ဥပေက္ခာ)
၃၅။ ကာယပဿဒ္ဓိ   = စေတသိက်အပေါင်း၏ ငြိမ်းအေးခြင်းသဘော၊
၃၆။ စိတ္တပဿဒ္ဓိ      =  စိတ်အပေါင်းတို့၏ ငြိမ်းအေးခြင်းသဘော၊
၃၇။ ကာယလဟုတာ = စေတသိက်အပေါင်းတို့၏ ပေါ့ပါးသွက်လက်ခြင်းသဘော၊
၃၈။ စိတ္တလဟုတာ  = စိတ်အပေါင်းတို့၏ ပေါ့ပါးသွက်လက်ခြင်းသဘော၊
၃၉။ ကာယ မုဒုတာ = စေတသိက်အပေါင်းတို့၏ နူးညံ့ပြောင်းအိခြင်းသဘော၊
၄၀။ စိတ္တ မုဒုတာ   = စိတ်အပေါင်းတို့၏ နူးညံ့ပြောင်းအိခြင်းသဘော၊
၄၁။ ကာယ ကမ္မညတာ = စေတသိက်အပေါင်းတို့၏ ခံ့ငြားခြင်းသဘော၊
၄၂။ စိတ္တကမ္မညတာ     = စိတ်အပေါင်းတို့၏ ခံ့ငြားခြင်းသဘော၊
၄၃။ ကာယ ပါဂုညတာ  = စေတသိက်အပေါင်းတို့၏ လေ့လာနိုင်နင်းခြင်းသဘော၊
၄၄။ စိတ္တ ပါဂုညတာ     = စိတ်အပေါင်းတို့၏ လေ့လာနိုင်နင်းခြင်းသဘော၊
၄၅။ ကာယုဇုကတာ     = စေတသိက်အပေါင်းတို့၏ ဖြောင့်မတ်ခြင်းသဘော၊
၄၆။ စိတ္တုဇုကတာ       = စိတ်အပေါင်းတို့၏ ဖြောင့်မတ်ခြင်းသဘော၊

(ဈ) သီလကုသိုလ် စေတသိက်(၃)မျိုး
၄၇။ သမ္မာ ၀ါစာ     = ကောင်းစွာပြောဆိုခြင်း၊
၄၈။ သမ္မာ ကမ္မန္တ  = ကောင်းစွာ ပြုလုပ်ခြင်း၊
၄၉။ သမ္မာ အာဇီဝ  = ကောင်းစွာ အသက်မွေးခြင်း၊

(ည) အကျင့်ကုသိုလ် စေတသိက်(၂)မျိုး 
၅၀။ ကရုဏာ    =  သနားကြင်နာခြင်းသဘော၊
၅၁။ မုဒိတာ      = ၀မ်းမြောက်ဂုဏ်ယူခြင်းသဘော၊

 (ဋ) ပညာ စေတသိက်(၁)မျိုး
၅၂။ ပညိနြေ္ဒ    = အာရုံ၏ သဘောအမှန်ကို ထိုးထွင်းသိခြင်းသဘော၊ 



2 Comments:

At April 6, 2012 at 8:02 PM , Blogger နိုင်းနိုင်းစနေ said...

အိမ်ကလူကလည်း တရားခွေနားထောင်သလား မမေးနဲ့.. စိုင်းနဲ့ဆို ကိုက်မှာ..

 
At April 6, 2012 at 10:26 PM , Blogger အတ္တ said...

ဒီမှာဖတ်ပီး ပြန်ဆရာလုပ်ပေါ့ အစ်မရဲ့... :)

 

Post a Comment

Subscribe to Post Comments [Atom]

<< Home