Tuesday, March 23, 2010

အိပ်မက်

လူတော်တော်များများ အိပ်မက် မက်ဖူးကြပါတယ်။ တစ်ချို့အိပ်မက်က ကိုယ့်အတွက် ဖြစ်ပြီးခဲ့တာတွေကို ပြန်မက်ပါတယ်။ တစ်ချို့အိပ်မက်က နောင်ဖြစ်လာမယ့် အတိတ်နိမိတ်တွေအဖြစ်မက်ကြပါတယ်။ တစ်ချို့ကတော့ စွဲလန်းတဲ့အကြောင်းအရာတစ်ခုခုကို ခဏခဏမက်တတ်ကြပါတယ်။ ဘယ်လိုပဲမက်မက် အိပ်မက်ဟာ... လက်ရှိလောကနဲ့ တနည်းနည်း ဆက်စက်နေတယ်ဆိုတာကတော့ သေချာပါတယ်။

အဲလိုမက်တဲ့သူတွေထဲမှာ ကောသလမင်းကြီးမက်တဲ့အိပ်မက်ကတော့ တော်တော်ထူးခြားပါတယ်။ ယနေ့ ခေတ်မှာ ဖြစ်ပျက်နေတာတွေကို လွန်ခဲ့တဲ့ နှစ်ပေါင်းများစွာက နိမိတ်သဘောမြင်မက်ခဲ့တာပါ...။ သူမက်ခဲ့တာတွေအားလုံး ယနေ့ ဖြစ်ပျက်နေပါပီ...။

သူဘာတွေမက်ခဲ့လဲဆိုတော့..

ရာသီဥတု ဖောက်ပြန်မယ့် အကြောင်းတွေ...

လူ့ယဉ်ကျေးမှု၊ စာရိတ္တအကြောင်းတွေ


 နိုင်ငံရေး၊ စီးပွားရေး၊ အုပ်ချုပ်ရေးတွေ..



အိမ်ထောင်ရေး အခြေအနေတွေ...




အကျင့်ပျက် ၀န်ထမ်းများအကြောင်းတွေ...



မိုးလေ၀သ ရာသီဥတု ဖောက်ပြန်မယ့်အကြောင်းတွေ...


ဘာသာရေးနဲ့ပတ်သက်တာတွေ ...





လူ့ယဉ်ကျေးမှု ခြစားတာတွေ...

ခေတ်ပြောင်းပြန်ဖြစ်နေတာတွေ...



တော်သေးတယ်... ညက ၁၂နာရီမှာ သူအိပ်တာက ခန့်မှန်း(၇နာရီ ၈နာရီ)လောက်ပဲ အချိန်ရှိလို့... ဒီထက်များ ညတာရှည်မယ် အိပ်ချိန်ရှည်မယ်ဆိုရင်တော့... သူဘာတွေဆက်မက်ဦးမယ်ဆိုတာ မတွေးဝံ့စရာပါပဲဗျာ...။

အားလုံး ဗဟုသုတ တိုးပွားကြပါစေ...

Monday, March 22, 2010

အမှတ်တရ ပုဂံ

ဇာတိမြေကို အလည်ပြန်ရင်းနဲ့ အပြန်မှာ ပုဂံဘုရားတွေဖူးဖို့ ခဏ ၀င်ခဲ့ပါတယ်။
 အညာမြေရဲ့ အမှတ်သညာဖြစ်တဲ့ ထန်းပင်တွေဖြစ်ပါတယ်..။ ထန်းရည် ထန်းလျက်ကတော့ ကားလမ်းဘေး ၀ဲယာ တစ်လျောက် မှာ ထန်းရွက်တဲလေးတွေ ထိုးပြီး ရောင်းကြပါတယ်။

ပုဂံဘုရားတွေဟာ ဆွဲဆောင်မှုအား ကြီးလွန်းပါတယ်...။ ဘုရားတစ်ဆူတစ်ဆူထဲ ၀င်ပြီးရင် ပြန်မထွက်ချင်လောက်အောင် ကို ဆွဲဆောင်မှုအားကောင်းပါတယ်...။ (ဒါက ကျွန်တော့ခံစားချက်ပါ လူတိုင်းအဲလိုဖြစ်ချင်မှ ဖြစ်မှာပါ)

ကျောင်းတုန်းက ခဏခဏ သင်ခဲ့ရတဲ့ ရာဇကုမာရ်ကျောက်စာလို့ ခေါ်တဲ့ မြစေတီကိုတော့ သဘောအကျဆုံးပါ...။ မိဘကျေးဇူးကို လွန်စွာမှ သိတတ်တဲ့ မင်းသားတစ်ပါရဲ့ အလှူကို ရေးထိုးထားတဲ့ ကျောက်စာဖြစ်ပါတယ်...။

မြန်မာ ၊ ပျူ ၊ ပါဠိ ၊ မွန် လေးဘာသာနဲ့ ရေးထိုးထားပါတယ်။
သူဟာ ထီးနန်းစည်းစိမ်ကို မမက်မောပဲ မိမိဖခင်ကြီး၏ ကျေးဇူးကိုသာ တတ်နိုင်သရွေ့ ဆပ်ကာ အလုပ်အကျွေးပြုလိုတဲ့ မင်းသားတစ်ပါးအဖြစ် ကျောင်းတုန်းက သင်ခဲ့ရပါတယ်..။ 
နောက် အဆိုပါအလှူကို လှူဒါန်းရတဲ့ အတွက် တစ်ခြားဘာဆုကိုမှ မတောင်းပဲ သဗ္ဗေညုတဉာဏ်ရခြင်း၏ အကြောင်းအထောက်အပံ့ကို ဆုတောင်းခဲ့ပါသည်။ ထို့ကြောင့် ရာဇကုမာရ်မင်းသားသည် ဘုရားလောင်းဖြစ်နိုင်သည်ဟု ကောက်ချက်ချနိုင်ပါသည်။ မင်းစည်းစိမ်ကိုလည်း စိတ်စားခြင်း မရှိသောကြောင့် ဖြစ်နိုင်ပေသည်။ 

ထို့အပြင် ရာဇကုမာရ်သည် မင်းအဖြစ်ကိုရနိုင်ပါလျှက် မိမိဖခင်ကျန်စစ်မင်းကြီး၏ ကတိကိုတည်စေခြင်းငှာ ထိုမင်းအဖြစ်ကို စွန့်လွှတ်ခဲ့နိုင်ခဲ့ပါတယ်။ ဒါကြောင့် သူ့ကို လေးစားပါတယ်။ ချီးကျုးပါတယ်။ လူသာမန်တွေမှာ မလုပ်နိုင်တဲ့ ဘုရင်ဆိုတဲ့ နေရာကို သူ လစ်လျူရှုနိုင်ခဲ့ပါတယ်။

Thursday, March 4, 2010

ဇာတိမြေသို့

ဆယ်စုနှစ်တစ်ခု ကျော်လာခဲ့ပြီ...

ဟိုးတုန်းက ဘုစုခရုစုတွေတောင် ဘယ်အရွယ်တွေ ရောက်လို့ ဘယ်ကျောင်းတွေတက်နေပြီလဲ... အိမ်ထောင်တွေကျလို့ ကလေးတွေ တိုးလိုးတွဲလောင်းနဲ့ဖြစ်နေကြပီလား...

ကိုယ်နဲ့ ရွယ်တူတွေ မတိမ်းမယိမ်းတွေ ကျောင်းနေဘက်တွေ အတန်းတူတူတက်ခဲ့တဲ့သူတွေရော...
အားလုံးရှိကြသေးရဲ့လား...

ကိုယ့်လိုပဲ တော်ရာဒေသတစ်ခုခုမှာ ရောက်နေကြလား...

ကိုယ်ထက်အကြီး အစ်ကိုတွေ ကာလသားဘ၀တုန်းက ဆရာကြီးတွေရော...
ဘယ်လိုနေလို့ ဘယ်လိုစားသောက်နေကြလဲ...

ကိုယ့်ကို စာသင်ပေးခဲ့တဲ့ ဆရာဆရာမတွေရော...ရှိကြသေးရဲ့လား...
ခုလောက်ဆို... ကိုယ့်ကိုသင်ခဲ့တဲ့ဆရာဆရာမ တော်တော်များများ ကျောင်းမှာ မရှိကြတော့ဘူးထင်ပါရဲ့...

စတဲ့ အတွေးပေါင်း လားပေါင်းများစွာနဲ့....

ဇာတိမြေကို ပြန်ဖို့ ရင်ခုန်စွာနဲ့ ခြေလှမ်းတွေကို စရပါတော့မယ်...

ငယ်ငယ်ကကြားဖူးတယ် နွားတွေဟာ မိုးဦးတစ်ချက်ကျရင် သူ့ ဇာတိမြေစားကျက်ရှိတဲ့ အရပ်ဘက်ကို မျက်နှာမူပြီး တွန်တယ်တဲ့...။

အခု ကိုယ်က မတွန်တတ်ပေမယ့် ပြန်ရတော့မယ်ဆိုတဲ့ အတွေးက လူကို နေမထိထိုင်မသာနဲ့ ရင်ခုန်စေပါတယ်...။ စိတ်မှာ ပီတိ သောမနဿ ဇောတွေကတော့ အကြိမ်မရည်တွက်နိုင်အောင်ကို လွှမ်းမိုးလို့နေတယ်...။

ကီလိုမီတာ ထောင်ကျော်ဝေးနေပေမယ့်.. အရှေ့နဲ့ အနောက်ဖြစ်နေပေမယ့်...

Google earth နဲ့ Google maps တွေကိုကြည့်ပီး လမ်းတွေကို မှတ်ရတာက နေ့တဓူဝ အလုပ်တစ်ခု ...

ခုတော့ ဒါတွေကို အသုံးချရတော့မယ်...

အားလုံးအေးချမ်းသာယာရှိကြပါစေ...လို့

ရင်ခုန်စွာဖြင့်...နှုတ်ဆက်ရင်း....

Monday, March 1, 2010

To include Myanmar Language support in Windows

မြန်မာ အင်တာနက် ၀ဘ်ဆိုဒ်မှာ တွေ့ရတဲ့ windows OS မှာ မြန်မာစာထည့်သွင်းဖို့ ကြိုးစားနေတဲ့ အကြောင်းအရာတစ်ခုပါ။ မည်သူပဲ ဦးဆောင်ပြုလုပ်သည်ဖြစ်စေ  မြန်မာလို သုံးခွင့်ရရင်တော့ အနည်းနဲ့ အများ ကျေးဇူးများမှာပါ။ ဒါကြောင့် စိတ်ဝင်စားသူများ သွားရောက် အားပေးနိုင်ကြပါတယ်။
 To include Myanmar Language support in Windows

Microsoft Corporation တွင် "လူဦးရေ ၅သိန်းကျော်က ပြောဆိုရေးသားသော ကမ္ဘာ့ ဘာသာစကား အားလုံးကို Miscrosoft Windows တွင် ထည့်သွင်းပေးရမည်" ဆိုသည့် Official Policy ရှိပါသည်။ သို့သော် အကြောင်းကြောင်းကြောင့် မြန်မာဘာသာမှာ မပါဝင်နိုင်သေးပဲ ရှိနေဆဲဖြစ်နေရာ၊ ယခု ကျွန်ုပ်တို့ အားလုံးမှ စုပေါင်း၍ Microsoft Corporation သို့ စာဖြင့် မေတ္တာရပ်ခံ တောင်းဆိုမည့်အစီအစဉ် ဖြစ်ပါသည်။
           လက်မှတ်ရေးထိုးသူ အသင့်အတင့်များလာပြီဆိုလျှင် ၊ ဤတောင်းဆိုချက် အပြည့်အစုံကို စာရွတ်ပေါ်တွင် ရိုက်နှိပ်ပြီး၊ ဘီလ်ဂိတ်နှင့် အမှုဆောင်အရာရှိချုပ် စတီးဘော်လ်မား တို့ထံ ပေးပို့ပါမည်။ မိုက်ခရိုဆောဖ့် ဌာနချုပ်တွင် အလုပ်လုပ်နေသော မြန်မာပညာရှင်များမှလည်း ၀ိုင်းဝန်းကူညီကြမည် ဖြစ်ပါသည်။
          မိမိနာမည်အပြင်၊ မိမိကိုယ်တိုင် ဖြည့်စွက်တောင်းဆိုချက်များကိုလည်းအောက်တွင် (အင်္ဂလိပ်ဘာသာဖြင့်) ဖြည့်စွက်ရေးသားနိုင်ပါသည်။
         မြန်မာ( ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်း) ဘာသာစကားများကို ကွန်ပျူတာတါင် အသုံးပြုလိုသူများ အားလုံး ကိုယ်စား ပေးပို့မည် ဖြစ်ပါသည်။ Myanmar's Net မှ ကုန်ကျစရိတ် ကျခံပါသည်။ သို့သော် Myanmars.Net နာမည်ခံပြီး ပေးပို့မည်မဟုတ်ပါ။
         မိတ်ဆွေများ၏ အကြံပေးချက်အရ ခေါင်းစဉ်၊ လိပ်မူပြောင်းပြီး apple.com, linux.org သို့လည်း ဤ မေတ္တာရပ်ခံစာကို ပေးပို့ပါဦးမည်။
        မိမိ အပေါင်းအသင်း မိတ်ဆွေများကိုလည်း ၀ိုင်းဝန်းလက်မှတ် ရေးထိုးပေးပါရန် သတင်းဖြန့်ဝေပေးပါ။ ဖြစ်နိုင်လျှင် web page, blog များမှ အောက်ပါ URL သို့ ချိတ်ဆက်ပေးပါဟုလည်း ကျွန်ုပ်တို့မှ မေတ္တာရပ်ခံလိုပါသည်။
http://myanmar-myanmar.net/microsoft/

ဆိုပြီး ရေထားတာဖတ်ရပါတယ်။
ဒီလို အကျိုးဆောင်ပေးတာ ၀မ်းသာပါတယ်။ ကြိုဆိုပါတယ်။ အောင်မြင်အောင်လည်း ဆောင်ရွက်နိုင်ကြပါစေ...။

ကျွန်တော် ရေးသားနေချိန်ထိ လက်မှတ်ရေးထိုးထားသူပေါင်း 1947 ယောက်ရှိပါပီ။